Ţetta eru mennirnir sem rćndu bankann

 
Innlent
14:52 30. DESEMBER 2015
Líkt og sjá má á myndinni er annar ţeirra međ skammbyssu og hinn međ hníf.
Líkt og sjá má á myndinni er annar ţeirra međ skammbyssu og hinn međ hníf.

Lögreglan á höfuðborgarsvæðinu hefur birt myndir af mönnunum tveimur sem frömdu vopnað rán í útibúi Landsbankans í Borgartúni á öðrum tímanum í dag. Líkt og sjá má á myndunum er annar þeirra vopnaður hnífi og hinn skammbyssu.

Í tilkynningu frá lögreglu segir að mennirnir hafi komið að útibúinu á stolinni, hvítri sendibifreið, Ford Transit, með skráninganúmerinu VDZ 53, en bíllinn fannst skömmu síðar í Barmahlíð í Reykjavík.

Óveruleg upphæð
Í tilkynningu á vef Landsbankans kemur fram að mennirnir hafi haft í hótunum við starfsfólkið og krafist fjármuna . Þeir hafi tekið einhverja fjármuni með sér en upphæðin sé óveruleg.

„Enginn meiddist sem er fyrir mestu og starfsfólk brást rétt við í erfiðum aðstæðum. Starfsfólki og viðskiptavinum í Borgartúni var að sjálfsögðu mjög brugðið og öllum verður boðin áfallahjálp. Lögreglan á höfuðborgarsvæðinu rannsakar nú málið.
Útibúinu í Borgartúni hefur verið lokað frá því atvikið varð og það verður einnig lokað á morgun, gamlársdag.“


Bíllinn sem mennirnir flúđu á fannst í Barmahlíđ.
Bíllinn sem mennirnir flúđu á fannst í Barmahlíđ. VÍSIR/PJETUR

Óska aðstoðar almennings
Lögregla biður þá sem geta veitt upplýsingar um málið að hafa tafarlaust samband við lögreglu í síma 112. Fólki er bent á að hafa ekki afskipti af mönnunum.

Upplýsingum má einnig koma á framfæri á netfangið bjarni.olafur@lrh.is eða í einkaskilaboðum á fésbókarsíðu Lögreglunnar á höfuðborgarsvæðinu.

Ógnuðu starfsfólki
Samkvæmt heimildum fréttastofu ógnuðu mennirnir starfsmönnum bankans, hristu einn þeirra og öskruðu „Þetta er rán“. 

Enn er unnið að því að taka skýrslur af viðskiptavinum bankans. Flestir hafa þó fengið að snúa til síns heima. Lögregla er með töluverðan viðbúnað í Borgartúni og búið er að auka öryggisgæslu í öðrum útibúum bankans.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Ţetta eru mennirnir sem rćndu bankann
Fara efst