Innlent

Bíllinn úr bankaráninu fannst í Barmahlíð

Kolbeinn Tumi Daðason skrifar
Umræddur bíll í Barmahlíð í dag.
Umræddur bíll í Barmahlíð í dag. Vísir/Pjetur
Hvítur sendiferðabíll sem tveir menn notuðu við vopnað rán í útibúi Landsbankans í Borgartúni fannst yfirgefinn í Barmahlíð upp úr klukkan hálf þrjú í dag.

Lögreglan hefur girt af götuna en staðfest er að um sama bíl er að ræða og mennirnir flúðu á með fjármuni um klukkan 13:20 í dag.

Skráningarnúmer bílsins er VD-Z53 en um Ford Transit bifreið er að ræða. Bíllinn mun vera í eigu Hverafoldar bakarí en honum var stolið.

Enn er unnið að því að taka skýrslur af viðskiptavinum bankans. Flestir hafa þó fengið að snúa til síns heima. Lögregla er með töluverðan viðbúnað í Borgartúni og búið er að auka öryggisgæslu í öðrum útibúum bankans.


Tengdar fréttir

Bankarán í Borgartúni

Tveir menn frömdu vopnað rán í útibúi Landsbankans í Borgartúni skömmu fyrir klukkan hálftvö í dag.




Fleiri fréttir

Sjá meira


×