Þakkar fólki hjá Promens

Ísfell í Hafnarfirði hefur tekið við sölu og dreifingu á vörum norska fyrirtækisins Polyform AS í Álasundi í Noregi.

Polyform er þekktast fyrir framleiðslu á netabaujum og fríholtum úr mjúku plasti, en Sæplast hf. á Dalvík (nú Promens) keypti fyrirtækið um aldamótin 2000.

„Nú þegar samstarfi fyrirtækjanna lýkur viljum við þakka starfsmönnum Sæplasts/Promens á Dalvík fyrir sérstaklega gott og árangursríkt samstarf á liðnum árum og óska þeim velgengni í framtíðinni,“ er í tilkynningu haft eftir Geir A. Gunnlaugssyni, stjórnarformanni Polyforms og öðrum eiganda fyrirtækisins.