LAUGARDAGUR 1. OKTÓBER NÝJAST 23:52

Órói í Kötlu: Óvissuástandiđ fyrst og fremst varúđarráđstöfun

FRÉTTIR

Starfsmađur utanríkisráđuneytisins kominn til Fortaleza til ađ ađstođa íslenska pariđ

 
Innlent
11:38 16. JANÚAR 2016
Pariđ átti bókađ flug úr landi úr landi frá alţjóđaflugvellinum í Pinto Martins, ţađan sem flugtengingar í Evrópu eru í gegnum Ţýskaland og Portúgal.
Pariđ átti bókađ flug úr landi úr landi frá alţjóđaflugvellinum í Pinto Martins, ţađan sem flugtengingar í Evrópu eru í gegnum Ţýskaland og Portúgal. VÍSIR

Starfsmaður utanríkisráðuneytisins er nú staddur í brasilísku borginni Fortazela þar sem hann mun aðstoða íslenskt par sem handtekið var milli jóla og nýárs, grunað um að hafa ætlað að smygla kókaíni úr landinu. Fulltrúi brasilísku alríkislögreglunnar sagði í samtali við fréttastofu á dögunum að um umtalsvert magn kókaíns hafi verið að ræða, eða átta kíló.

Urður Gunnarsdóttir, upplýsingafulltrúi utanríkisráðuneytisins, segir að starfsmaðurinn hafi haldið til Brasilíu fyrir nokkrum dögum en hún gat ekki sagt til um hvort að starfsmaðurinn hefði haft samband við parið.

Urður segir ráðuneytið meta það í hverju tilfelli fyrir sig hvort þörf sé á að senda fulltrúa á vettvang í málum sem þessum. Hún vildi hins vegar ekki upplýsa um af hverju talið var nauðsynlegt að senda mann út í þessu tilfelli.

Markmið starfsmannsins er að meta aðstæður parsins og tryggja að þau fái réttláta málsmeðferð í Brasilíu.

Um er að ræða 26 ára karlmann og tvítuga konu en parið verður að öllum líkindum í gæsluvarðhaldi þar til mál þeirra fer fyrir dóm. Búist er við að málsmeðferð muni taka rúmlega ár.

Að því er brasilískir fjölmiðlar hafa greint frá, fundust fíkniefnin í fölskum botnum í ferðatöskum þeirra og í smokkum. Lögregla gerði upptæka ýmsa muni í eigu þeirra, meðal annars tvo farsíma og 1.600 íslenskar krónur.

Parið átti bókað flug úr landi úr landi frá alþjóðaflugvellinum í Pinto Martins, þaðan sem flugtengingar í Evrópu eru í gegnum Þýskaland og Portúgal. Vísir hefur ekki fengið svör við því hvert þau áttu flug né hvort talið sé að þau hafi ætlað með efnin til Íslands. Fólkið gæti átt yfir höfði sér allt að 15 ára fangelsi.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Starfsmađur utanríkisráđuneytisins kominn til Fortaleza til ađ ađstođa íslenska pariđ
Fara efst