Sjálfstæði ekki langt undan

Alex Salmond, forsætisráðherra skosku heimastjórnarinnar, segir að sjálfstætt Skotland hafi aldrei verið eins nálægt því að verða að veruleika og núna.

Í nýrri skoðanakönnun kemur fram að bilið á milli þeirra sem eru fylgjandi sjálfstæði frá Bretlandi og þeirra sem eru á móti hefur minnkað. Í viðtali við BBC segir Salmond að fólk sem hefur aldrei tekið þátt í stjórnmálum hafi láti sig málið varða.

Kosið verður um það hvort Skotland verði sjálfstætt ríki 18. september næstkomandi.