Sigmundur Davíð finnur fyrir sterkum öflum sem vinna gegn afnámi verðtryggingar Nanna Elísa Jakobsdóttir skrifar 22. október 2015 08:23 Sigmundur Davíð segir að afnám verðtryggingar væri komið lengra ef ekki væri fyrir ákveðna "varðhunda.“ Vísir/Daníel Sigmundur Davíð Gunnlaugsson forsætisráðherra segist finna fyrir sterkum öflum í samfélaginu sem ekki vilja sleppa tökum á verðtryggingunni. Þeirra sé meðal annars að gæta innan Sjálfstæðisflokksins. Þetta kom fram í þættinum Bítið á Bylgjunni í morgun. Viðtalið má heyra hér að ofan. Þá sagði Sigmundur að hann fyndi fyrir sömu andstöðu gegn afnáminu í ákveðnum flokki stjórnarandstöðunnar og nefndi í því samhengi „flokkinn sem við töluðum um áðan“ eða fyrr í viðtalinu hér að ofan og átti þar við Samfylkinguna. „Enda með mjög sterkar tengingar inn í þann hluta verkalýðshreyfingarinnar sem sjá rautt þegar talað er um þetta,“ sagði Sigmundur og var þá spurður hvort hann ætti við lífeyrissjóðina. Hann jánkaði því og bætti við að hann ætti einnig við aðra forystumenn verkalýðshreyfingarinnar og viðurkenndi að þar ætti hann við ASÍ. „Ef menn ynnu saman í þessa átt þá værum við komin lengra.“Umræðan á Alþingi ekki byggð á rökum Sigmundur var spurður út í umræðuna á Alþingi undanfarið en hann hefur verið gagnrýndur fyrir að skorast undan því að taka umræðuna um afnám verðtryggingar. Sigríður Ingibjörg Ingadóttir bað í febrúar um sérstaka umræðu um málið og endurtók hún beiðni sína í upphafi þings. Hún og aðrir þingmenn Samfylkingarinnar létu í sér heyra þegar ljóst var að Sigmundur hugðist ekki svara beiðninni. Þá hafa samflokksmenn Sigmundar gagnrýnt hann fyrir að lúffa fyrir Sjálfstæðisflokknum þegar kemur að verðtryggingunni en þingmenn Framsóknar lofuðu afnámi verðtryggingar strax eftir kosningar 2013.Sigríður Ingibjörg Ingadóttir, þingkona Samfylkingarinnar, spyr hvort forsætisráðherra fari ekki enn með verkstjórn í ríkisstjórninni.Sigmundur sagðist í þættinum tilbúinn til þess að ræða verðtrygginguna við hvern sem er. „Ég vil ræða verðtrygginguna við alla,“ sagði hann, nefndi Samfylkinguna og þáttastjórnendur, en sagði að þar sem Sigríður Ingibjörg væri að biðja um sérstaka umræðu um málið væri það ráðherrann sem er yfir málaflokknum sem sitja ætti fyrir svörum. Það er Bjarni Benediktsson fjármálaráðherra.Engar staðreyndir bara hávaði segir forsætisráðherra „Það er bara hávaðinn sem kemst í gegn, ekki staðreyndir málanna,“ sagði Sigmundur sem segist vera sá forsætisráðherra sem hafi verið hvað mest viðstaddur umræður á Alþingi á síðustu árum. „Þarna er verið að hjakka í málinu bara til að fá athyglina.“ Stjórnarandstaðan hefur farið fram á að greidd verði atkvæði um hvort sérstök umræða um málið verði tekin fyrir og fer sú atkvæðagreiðsla fram í þinginu klukkan hálf ellefu í dag.Sjá einnig: Fast skotið á Sigmund vegna afnáms verðtryggingarinnar „Vinna við afnám verðtryggingar er í gangi í samræmi við þá áætlun sem samþykkt var 2014,“ útskýrði Sigmundur enn á ný. Hann sagði alla verkliði áætlunarinnar frá utan eins, að banna svokölluð Íslandslán sem þýða fátt eitt annað en að lántakendur greiða inn á lánin í sífellu án þess að greiða niður höfuðstólinn.Bjarni Benediktsson fjármálaráðherra.vísir/gvaVinna gegn afnámi verðtryggingar Þá spurðu þáttastjórnendur: „Hér eru öfl sem vilja ekki sleppa verðtryggingunni. Finnur þú fyrir þessum öflum?“ „Já, já, heldur betur,“ sagði Sigmundur afdráttarlaus. „Tengjast þau Sjálfstæðisflokknum? Eða bönkunum?“ Sigmundur sagðist ekki vilja hengja þetta á ákveðna flokka en þegar gengið var á hann viðurkenndi hann að vissulega væri þarna um að ræða hluta af Sjálfstæðisflokknum. Hann nefndi síðan flokka innan stjórnarandstöðunnar líkt og áður sagði. „Þau vinna í öfuga átt sem gerir okkur vissulega erfiðara fyrir,“ sagði Sigmundur. Hann segir að afnám verðtryggingarinnar væri komin miklu lengra ef ekki væri fyrir „varðhunda þessa kerfis.“Útilokar ekki hlutverkaskipti í ríkisstjórn Sigmundur tók þó fyrir að afnámið væri vonlaust mál heldur væri það eitthvað sem þyrfti að gerast því að hér á landi væri kerfi sem ekki væri búandi við.En er Sigmundur Davíð á leið í fjármálaráðuneytið? „Ef við ætlum að byggja samtöl okkar á hugmyndum Sigríðar Ingibjargar Ingadóttur kæmumst við ekki mjög langt,“ sagði Sigmundur og kímdi. Sigríður Ingibjörg gaf það sterklega í skyn á þingi í gær að mögulega yrði Sigmundur ekki forsætisráðherra þegar kjörtímabilið væri yfirstaðið og vísaði í orð Bjarna Benediktssonar í Morgunútvarpi Rásar 2 þar sem hann nefndi að mögulega yrðu breytingar á stjórnarsamstarfinu á næstu sex mánuðum. „En við höfum haldið þeim hugmyndum á lofti að það yrðu tilfæringar innan ráðuneytanna. Ræddum það á sínum tíma og höfum haldið möguleikanum opnum,“ viðurkenndi Sigmundur þó án þess að útskýra málið frekar. Alþingi Tengdar fréttir Verðtrygging áfram en tímalengd breytt Ekki er unnið að afnámi verðtryggingar í fjármálaráðuneytinu, þrátt fyrir orð forsætisráðherra um annað. Lenging lágmarkstíma verðtryggðra lána í tíu ár og stytting úr 40 í 25 ár er til skoðunar. Mögulegt er að frumvarp komi fram í haust. 22. apríl 2015 07:00 „Er Sigmundur Davíð að éta köku enn eina ferðina?“ Forsætisráðherra sagður á hröðum flótta undan öllu tali um afnám verðtryggingar. 13. október 2015 14:18 Niðurfærslan gæti horfið með kjarasamningunum Verðtryggð húsnæðislán eru um 1.200 milljarðar. Verðbólguskot gæti hækkað húsnæðislán um tugi milljarða. Verðbólgan étur upp niðurfærsluna, segir hagfræðingur. Verður að forðast verðbólgu, segir forsætisráðherra. 21. apríl 2015 07:00 Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Þarf að greiða kortareikninginn og meira til í málskostnað Neytendur Dýrmætustu og sjaldgæfustu Mustang bílar landsins á afmælissýningu Mustang Samstarf Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Röntgen Domus og Orkuhúsið fá ekki að sameinast Viðskipti innlent Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Sigmundur Davíð Gunnlaugsson forsætisráðherra segist finna fyrir sterkum öflum í samfélaginu sem ekki vilja sleppa tökum á verðtryggingunni. Þeirra sé meðal annars að gæta innan Sjálfstæðisflokksins. Þetta kom fram í þættinum Bítið á Bylgjunni í morgun. Viðtalið má heyra hér að ofan. Þá sagði Sigmundur að hann fyndi fyrir sömu andstöðu gegn afnáminu í ákveðnum flokki stjórnarandstöðunnar og nefndi í því samhengi „flokkinn sem við töluðum um áðan“ eða fyrr í viðtalinu hér að ofan og átti þar við Samfylkinguna. „Enda með mjög sterkar tengingar inn í þann hluta verkalýðshreyfingarinnar sem sjá rautt þegar talað er um þetta,“ sagði Sigmundur og var þá spurður hvort hann ætti við lífeyrissjóðina. Hann jánkaði því og bætti við að hann ætti einnig við aðra forystumenn verkalýðshreyfingarinnar og viðurkenndi að þar ætti hann við ASÍ. „Ef menn ynnu saman í þessa átt þá værum við komin lengra.“Umræðan á Alþingi ekki byggð á rökum Sigmundur var spurður út í umræðuna á Alþingi undanfarið en hann hefur verið gagnrýndur fyrir að skorast undan því að taka umræðuna um afnám verðtryggingar. Sigríður Ingibjörg Ingadóttir bað í febrúar um sérstaka umræðu um málið og endurtók hún beiðni sína í upphafi þings. Hún og aðrir þingmenn Samfylkingarinnar létu í sér heyra þegar ljóst var að Sigmundur hugðist ekki svara beiðninni. Þá hafa samflokksmenn Sigmundar gagnrýnt hann fyrir að lúffa fyrir Sjálfstæðisflokknum þegar kemur að verðtryggingunni en þingmenn Framsóknar lofuðu afnámi verðtryggingar strax eftir kosningar 2013.Sigríður Ingibjörg Ingadóttir, þingkona Samfylkingarinnar, spyr hvort forsætisráðherra fari ekki enn með verkstjórn í ríkisstjórninni.Sigmundur sagðist í þættinum tilbúinn til þess að ræða verðtrygginguna við hvern sem er. „Ég vil ræða verðtrygginguna við alla,“ sagði hann, nefndi Samfylkinguna og þáttastjórnendur, en sagði að þar sem Sigríður Ingibjörg væri að biðja um sérstaka umræðu um málið væri það ráðherrann sem er yfir málaflokknum sem sitja ætti fyrir svörum. Það er Bjarni Benediktsson fjármálaráðherra.Engar staðreyndir bara hávaði segir forsætisráðherra „Það er bara hávaðinn sem kemst í gegn, ekki staðreyndir málanna,“ sagði Sigmundur sem segist vera sá forsætisráðherra sem hafi verið hvað mest viðstaddur umræður á Alþingi á síðustu árum. „Þarna er verið að hjakka í málinu bara til að fá athyglina.“ Stjórnarandstaðan hefur farið fram á að greidd verði atkvæði um hvort sérstök umræða um málið verði tekin fyrir og fer sú atkvæðagreiðsla fram í þinginu klukkan hálf ellefu í dag.Sjá einnig: Fast skotið á Sigmund vegna afnáms verðtryggingarinnar „Vinna við afnám verðtryggingar er í gangi í samræmi við þá áætlun sem samþykkt var 2014,“ útskýrði Sigmundur enn á ný. Hann sagði alla verkliði áætlunarinnar frá utan eins, að banna svokölluð Íslandslán sem þýða fátt eitt annað en að lántakendur greiða inn á lánin í sífellu án þess að greiða niður höfuðstólinn.Bjarni Benediktsson fjármálaráðherra.vísir/gvaVinna gegn afnámi verðtryggingar Þá spurðu þáttastjórnendur: „Hér eru öfl sem vilja ekki sleppa verðtryggingunni. Finnur þú fyrir þessum öflum?“ „Já, já, heldur betur,“ sagði Sigmundur afdráttarlaus. „Tengjast þau Sjálfstæðisflokknum? Eða bönkunum?“ Sigmundur sagðist ekki vilja hengja þetta á ákveðna flokka en þegar gengið var á hann viðurkenndi hann að vissulega væri þarna um að ræða hluta af Sjálfstæðisflokknum. Hann nefndi síðan flokka innan stjórnarandstöðunnar líkt og áður sagði. „Þau vinna í öfuga átt sem gerir okkur vissulega erfiðara fyrir,“ sagði Sigmundur. Hann segir að afnám verðtryggingarinnar væri komin miklu lengra ef ekki væri fyrir „varðhunda þessa kerfis.“Útilokar ekki hlutverkaskipti í ríkisstjórn Sigmundur tók þó fyrir að afnámið væri vonlaust mál heldur væri það eitthvað sem þyrfti að gerast því að hér á landi væri kerfi sem ekki væri búandi við.En er Sigmundur Davíð á leið í fjármálaráðuneytið? „Ef við ætlum að byggja samtöl okkar á hugmyndum Sigríðar Ingibjargar Ingadóttur kæmumst við ekki mjög langt,“ sagði Sigmundur og kímdi. Sigríður Ingibjörg gaf það sterklega í skyn á þingi í gær að mögulega yrði Sigmundur ekki forsætisráðherra þegar kjörtímabilið væri yfirstaðið og vísaði í orð Bjarna Benediktssonar í Morgunútvarpi Rásar 2 þar sem hann nefndi að mögulega yrðu breytingar á stjórnarsamstarfinu á næstu sex mánuðum. „En við höfum haldið þeim hugmyndum á lofti að það yrðu tilfæringar innan ráðuneytanna. Ræddum það á sínum tíma og höfum haldið möguleikanum opnum,“ viðurkenndi Sigmundur þó án þess að útskýra málið frekar.
Alþingi Tengdar fréttir Verðtrygging áfram en tímalengd breytt Ekki er unnið að afnámi verðtryggingar í fjármálaráðuneytinu, þrátt fyrir orð forsætisráðherra um annað. Lenging lágmarkstíma verðtryggðra lána í tíu ár og stytting úr 40 í 25 ár er til skoðunar. Mögulegt er að frumvarp komi fram í haust. 22. apríl 2015 07:00 „Er Sigmundur Davíð að éta köku enn eina ferðina?“ Forsætisráðherra sagður á hröðum flótta undan öllu tali um afnám verðtryggingar. 13. október 2015 14:18 Niðurfærslan gæti horfið með kjarasamningunum Verðtryggð húsnæðislán eru um 1.200 milljarðar. Verðbólguskot gæti hækkað húsnæðislán um tugi milljarða. Verðbólgan étur upp niðurfærsluna, segir hagfræðingur. Verður að forðast verðbólgu, segir forsætisráðherra. 21. apríl 2015 07:00 Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Þarf að greiða kortareikninginn og meira til í málskostnað Neytendur Dýrmætustu og sjaldgæfustu Mustang bílar landsins á afmælissýningu Mustang Samstarf Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Röntgen Domus og Orkuhúsið fá ekki að sameinast Viðskipti innlent Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Verðtrygging áfram en tímalengd breytt Ekki er unnið að afnámi verðtryggingar í fjármálaráðuneytinu, þrátt fyrir orð forsætisráðherra um annað. Lenging lágmarkstíma verðtryggðra lána í tíu ár og stytting úr 40 í 25 ár er til skoðunar. Mögulegt er að frumvarp komi fram í haust. 22. apríl 2015 07:00
„Er Sigmundur Davíð að éta köku enn eina ferðina?“ Forsætisráðherra sagður á hröðum flótta undan öllu tali um afnám verðtryggingar. 13. október 2015 14:18
Niðurfærslan gæti horfið með kjarasamningunum Verðtryggð húsnæðislán eru um 1.200 milljarðar. Verðbólguskot gæti hækkað húsnæðislán um tugi milljarða. Verðbólgan étur upp niðurfærsluna, segir hagfræðingur. Verður að forðast verðbólgu, segir forsætisráðherra. 21. apríl 2015 07:00