11. Feb.2012, kl. 13:00

Baunagrasið

11. Feb.2012, kl. 14:00

Galdrakarlinn í Oz

Galdrakarlinn í OzÆvintýri í öllum regnbogans litum
Galdrakarlinn í Oz er einn vinsælasti fjölskyldusöngleikur allra tíma. Sígilt ævintýri um Dóróteu sem leggur upp í langferð til Gimsteinaborga... Meira »rinnar handan regnbogans.
Raunveruleikinn er grár og tilbreytingarlaus, fólk vinnur mikið og brosir sjaldan í Kansas þar sem Dóratea býr hjá frænku sinni og frænda. Hún þráir eitthvað annað, stórkostlegra og ævintýralegra, hana dreymir um landið handan regnbogans. Dag nokkurn gerir ofsaverður og hvirfilbylur feykir henni til ævintýralandsins Oz þar sem allt getur gerst. Dórótea er þó ekki fyrr komin en hún uppgötvar að hana langar aftur heim. Aðeins Galdrakarlinn í Gimsteinaborg getur hjálpa henni þangað. Á leið sinni til hans eignast hún þrjá vini, fuglahræðuna sem hefur engan heila, ljónið sem skortir hugrekki og tinkarlinn sem vantar hjarta. Saman lenda þau í ótal ævintýrum þar sem við sögu koma góða Norðan nornin, vonda Austannornin og urmull af vættum og kynjaverum; valmúa, sjónfólk, landsfeður, krútt, pússarar, töffarar, vinkar, draugar og fl.
Ævintýrið um Galdrakarlinn í Oz er í tölu frægustu og útbreiddustu barnabóka heims. Höfundurinn Frank Baum (1856-1919) skrifaði fjölda bóka um landið Oz og íbúa þess.
 

11. Feb.2012, kl. 15:00

Skrímslið litla systir mín

Skrímslið litla systir mín
Saga af myrkfælnum strák sem ferðast gegnum skuggalega skóga, um dimmar drekaslóðir, alla leið út á heimsenda og lærir í leiðinni að elska litlu systur sína.
... Meira »> Um sýninguna:Skrímslið litla systir mín segir frá myrkfælnum strák sem hefur nýlega eignast litla systur. Hann kemst reyndar fljótlega að því að hún er ekkert venjulegt barn heldur skrímsli sem ætlar að éta mömmu hans upp til agna  og kannski bara allan heiminn. Til að bjarga mömmu sinni og öllum heiminum frá litla skrímslinu, þarf hann að ferðast gegnum skuggalega skóga, um dimmar drekaslóðir, alla leið út á heimsenda og hann lærir í leiðinni að elska litlu systur sína.
Skrímslið litla systir mín er leikhúsupplifun fyrir börn í hæsta gæðaflokki þar sem börnin taka þátt og upplifa í miklu návígi töfra leikhúss, tónlistar og myndlistar. Leikkonan býður börnunum inní hvítan pappírsheim. Pappírinn lifnar smám saman við og verður að persónum sögunnar. Leikkonan notar pappír, tónlist og ljós til að segja þeim sögu. Sögu um það hvernig maður getur lært að elska - jafnvel skrímsli.

Vinnustofa:
Eftir sýninguna fá börnin svo tækifæri til að skapa úr pappírnum sem notaður var í sýningunni undir handleiðslu Helgu og Evu Signýjar sem báðar eru myndlistamenn. Þar verður m.a. hægt að búa til úr pappírnum litla skrímslið sem býr inní okkur öllum.

Skrímslið litla systir mín verður frumsýnt í Norræna húsinu 4. febrúar 2012. Verkið er aðeins sýnt í febrúar.  Sýningin tekur um 35 mínútur í flutningi og vinnustofan eftir sýninguna er um 45 mínútur.


Charlotte Böving, leikstjóriEivör Pálsdóttir, höfundur og flytjandi tónlistar Helga Arnalds, höfundur, leikmyndahönnuður og flytjandiHallveig Thorlacius, ljóðahöfundurPáll Guðmundsson, hljóðfærasmiðurEva Signý Berger, búningahönnuðurJóhann Birgir Bjarnason, ljósahönnuðurÚlfur Elíasson, höfundur grunnhugmyndar

11. Feb.2012, kl. 16:00

Blótgoðar

Bráðskemmtilegur einleikur Þórs Tulinius á Sögulofti Landnámasseturs. Þór bregður upp skemmtilegum myndum af því sem hefði getað farið fram á Alþingi dagana fyrir og eftir að ákveðið var að taka upp k... Meira »ristni á Íslandi.  Ástandið var vægast sagt magnað þar sem fylkingar stóðu gráar fyrir járnum hverjar gegn annari tilbúnar að berjast.  Þór tekur á sig hlutverk manna í báðum fylkingum og leikur léttilega fjölda þekktra persóna úr sögunni. Þarna stíga á stokk Þorgeir ljósvetningagoði, Síðu – Hallur og Snorri goðið en einnig kynnumst við litríkum karakterum sem ekki þótti ástæða að nefna í hinum knappa texta sögunnar en voru án efa staddir á Þingvöllum þessa örlagaríku daga.
Sýningin hefur hlotið frábæra dóma gagnrýnenda Víðsjár, Skessuhornsins og Fréttablaðsins:  Elísabet Brekkan gaf henni 4 stjörnur í Fréttablaðinu og segir ma.  „Hvort sem það er trúverðugt eður ei þá var útfærslan skemmtileg og áhorfendur dilluðu sér af hlátri.“ Niðurstaða: Þór nýtur sín í þessu hlutverki og er alveg óhætt að mæla með enn einu fræðandi og skemmtilegu stefnumóti við forna kappa uppi í Borgarnesi.

11. Feb.2012, kl. 16:00

Gulleyjan

Lífið á sveitakránni tekur heldur betur stakkaskiptum þegar gamall sjóræningi gefur þar upp öndina og skilur eftir sig fjársjóðskort. Jim, sonur kráareigans, veit ekki fyrr til en hann er kominn langt... Meira » suður í höf með skuggalegri áhöfn á seglskipinu Hispanjólu. Skipskokkurinn Langi-Jón Silvur er ekki allur þar sem hann er séður og leitin að fjársjóðnum verður fjörugri og hættulegri en nokkurn gat grunað. Þetta er ævintýraleg sýning fyrir alla fjölskylduna, full af galdri, gulli, græðgi, bardögum, blekkingum, talandi páfagaukum, kostulegum persónum og eldfjörugri tónlist eftir Þorvald Bjarna Þorvaldsson. Sýningin er sett upp af Leikfélagi Akureyrar í samstarfi við Borgarleikhúsið.  Gulleyjan eftir Robert Louis Stevenson er fyrsta sjóræningjasagan og sú frægasta og sagan sem öll sjóræningjaævintýri á bókum, í leikritum og kvikmyndum byggja á. Sigurður Sigurjónsson snýr nú aftur til Akureyrar en síðasta sýningin sem hann vann hjá LA var ÓVITAR sem sló rækilega í gegn og kætti leikhúsgesti á öllum aldri. Glæsilegur hópur listrænna stjórnenda vinnur að sýningunni: Leikstjórinn Sigurður Sigurjónsson, Snorri Freyr Hilmarsson sem hannar leikmynd, Agnieszka Baranowska og Júlíanna Lára Steingrímsdóttir hanna búningana, Björn Bergsteinn Guðmundsson hannar lýsingu  og Þorvaldur Bjarni Þorvaldsson hefur hér enn sannað snilld sína með frábærri tónlist. 

11. Feb.2012, kl. 19:00

Gulleyjan

Lífið á sveitakránni tekur heldur betur stakkaskiptum þegar gamall sjóræningi gefur þar upp öndina og skilur eftir sig fjársjóðskort. Jim, sonur kráareigans, veit ekki fyrr til en hann er kominn langt... Meira » suður í höf með skuggalegri áhöfn á seglskipinu Hispanjólu. Skipskokkurinn Langi-Jón Silvur er ekki allur þar sem hann er séður og leitin að fjársjóðnum verður fjörugri og hættulegri en nokkurn gat grunað. Þetta er ævintýraleg sýning fyrir alla fjölskylduna, full af galdri, gulli, græðgi, bardögum, blekkingum, talandi páfagaukum, kostulegum persónum og eldfjörugri tónlist eftir Þorvald Bjarna Þorvaldsson. Sýningin er sett upp af Leikfélagi Akureyrar í samstarfi við Borgarleikhúsið.  Gulleyjan eftir Robert Louis Stevenson er fyrsta sjóræningjasagan og sú frægasta og sagan sem öll sjóræningjaævintýri á bókum, í leikritum og kvikmyndum byggja á. Sigurður Sigurjónsson snýr nú aftur til Akureyrar en síðasta sýningin sem hann vann hjá LA var ÓVITAR sem sló rækilega í gegn og kætti leikhúsgesti á öllum aldri. Glæsilegur hópur listrænna stjórnenda vinnur að sýningunni: Leikstjórinn Sigurður Sigurjónsson, Snorri Freyr Hilmarsson sem hannar leikmynd, Agnieszka Baranowska og Júlíanna Lára Steingrímsdóttir hanna búningana, Björn Bergsteinn Guðmundsson hannar lýsingu  og Þorvaldur Bjarni Þorvaldsson hefur hér enn sannað snilld sína með frábærri tónlist. 

11. Feb.2012, kl. 19:30

Heimsljós

Heimsljóseftir Halldór Laxness í leikgerð Kjartans Ragnarssonar


“...þar búa ekki framar neinar sorgir og þessvegna er gleðin ekki nauðsynleg, þar ríkir fegurðin ein, ofar hverri krö... Meira »fu.”

Ein ástsælasta saga Nóbelsskáldsins í nýrri leikgerð. Heillandi verk um fegurðarþrána, veraldlega fátækt og andleg auðæfi.
Kjartan Ragnarsson hefur áður skapað leikverk upp úr skáldsögum Halldórs Laxness með frábærum árangri, en margir muna áhrifamikla uppsetningu hans á Sjálfstæðu fólki í Þjóðleikhúsinu árið 1999 og leikgerðir hans af völdum hlutum Heimsljóss sem voru frumsýndar við opnun Borgarleikhússins árið 1989, Ljós heimsins og Höll sumarlandsins. Jólasýning Þjóðleikhússins verður uppsetning Kjartans á nýrri leikgerð sem hann hefur gert af Heimsljósi en henni til grundvallar liggur skáldsagan í heild sinni.
Heimsljós, sem kom út í fjórum hlutum á árunum 1937 til 1940, er saga fátæka alþýðuskáldsins Ólafs Kárasonar Ljósvíkings. Í æsku er hann niðursetningur á bænum Fæti undir Fótarfæti en síðar flytur hann til þorpsins Sviðinsvíkur. Alla ævi er hann fátækur, smáður og utanveltu. En engu að síður er skáldið “tilfinníng heimsins, og það er í skáldinu sem allir aðrir menn eiga bágt”.
Heimsljós er margslungið verk. Það er ljóðrænt verk um sálarlíf skáldsins sem þrátt fyrir samúð með meðbræðrum sínum stendur utan við umhverfi sitt, gagntekið þrá eftir einhverju háleitara og æðra en hversdagsleiki brauðstritsins hefur upp á að bjóða. En jafnframt er það samfélagsleg saga um fátækt, kúgun, stéttaátök og drauma um fegurra mannlíf og réttlátara þjóðfélag.
Í sýningunni munu þeir Hilmir Snær Guðnason og Björn Thors túlka persónu Ljósvíkingsins samtímis.

Leikgerð og leikstjórn: Kjartan RagnarssonLeikmynd: Gretar Reynisson

Leikarar: Hilmir Snær Guðnason, Björn Thors, Arnar Jónsson, Arnbjörg Hlíf Valsdóttir, Atli Rafn Sigurðarson, Guðrún Snæfríður Gísladóttir, Jóhannes Haukur Jóhannesson, Lilja Guðrún Þorvaldsdóttir, Ólafía Hrönn Jónsdóttir, Ólafur Egill Egilsson, Pálmi Gestsson, Stefán Hallur Stefánsson, Svandís Dóra Einarsdóttir, Vigdís Hrefna Pálsdóttir, Þórunn Arna Kristjánsdóttir, Ævar Þór Benediktsson

Frumsýning á Stóra sviðinu 26. desember.

11. Feb.2012, kl. 19:30

Ég er vindurinn

11. Feb.2012, kl. 20:00

Axlar Björn

"Nú eru sólarlitlir dagar, bræður!"

Í Axlar-Birni er sögð saga eins kaldrifjaðasta morðingja Íslandssögunnar. Móðir hans var sólgin í mannablóð þegar hún gekk með hann og faðir hans blóðgað... Meira »i sig reglulega til að svala þorsta eiginkonu sinnar. Því má segja að óhugnaðurinn í eðli Axlar-Björns hafi hafist þegar í móðurkviði.
Axlar-Björn myrti átján manns áður en upp um hann komst. Fyrsta fórnarlambið dysjaði hann í flórnum á Knerri en hinum sökkti hann í Ígultjörn. Axlar-Björn var á endanum tekinn höndum og þau Steinunn, kona hans, dæmd til dauða á Laugarbrekkuþingi árið 1596. Brotið skyldi í Birni hvert bein og þau Steinunn síðan bæði hálshöggvin.
Axlar-Björn rekur öðrum þræði sögu þessa ógnvekjandi morðingja en veltir einnig upp sígildum spurningum um þá brenglun sem leiðir til óhæfuverka.
Björn Hlynur Haraldsson (1974) hefur getið sér gott orð bæði sem höfundur og leikstjóri, hann skrifaði t.a.m. leikritið Dubbeldusch auk þess að skrifa leikgerð Faust og Húsmóðurina ásamt félögum sínum í Vesturporti. Kjartan Sveinsson (1978) úr Sigurrós undirstrikar óhugnaðinn með tónlist og hljóðmynd.

11. Feb.2012, kl. 20:00

Saga þjóðar

Þann 27. Janúar hefjast á Litla sviðinu sýningar á sjóntónleiknum Saga Þjóðar með hljómsveitinni Hundur í óskilum. Tveggja manna stórsveitin Hundur í óskilum fer í tali og tónum á hundavaði í gegnum Í... Meira »slandssöguna frá upphafi til okkar daga. Tónleikar hjá Hundi í óskilum hafa oft minnt meira á sirkus eða uppistand en venjulega tónleika. Haugur af hljóðfærum, eldúsáhöldum og ýmis konar verkfærum og hjálpartækjum koma við sögu.
Hljómsveitin Hundur í óskilum var stofnuð um miðjan níunda ártuginn og hefur starfað saman lengur en Bítlarnir. Sveitin hefur á ferli sínum spilað á fjölmörgum árshátíðum banka og fjármálastofnanna og lagt þannig sitt að mörkum til íslenska bankahrunsins. Hún tók af fullri einurð þátt í útrásinni og var fyrst íslenskra sveita til að spila í Royal Albert Hall þegar hún hitaði upp fyrir Stuðmenn á alræmdum tónleikum á meðan allt lék í lyndi í íslensku efnahagslífi. Sveitin hefur sent frá sér tvær hljómplötur: Hundur í óskilum og Hundur í óskilum snýr aftur. Sveitin er skipuð þeim Hjörleifi Hjartarsyni og Eiríki Stephensen. Hjörleifur Hjartarson er tónmenntakennari að mennt og hefur fengist jöfnum höndum við tónlist og skriftir um árabil. Hann söng með Tjarnarkvartettinum um árabil, hefur skrifað nokkur leikrit sem sýnd hafa verið hjá áhugafélögum norðan heiða og samið leikhústónlist fyrir eigin verk og annarra. Eiríki Stephensen er menntaður blásarakennari og tónfræðingur. Hann starfar sem skólastjóri Tónlistarskóla Eyjafjarðar. Hundur í óskilum hlaut Grímuverðlaunin 2010 fyrir tónlist í uppfærslu Þjóðleikhússins á Íslandsklukkunni í leikstjórn Benedikts Erlingssonar.

11. Feb.2012, kl. 20:00

Eldhaf

„Handan þagnarinnar leynist hamingjan“Kona deyr á sjúkrahúsi. Börn hennar, tvíburarnir Símon og Janine, eru boðuð á fund lögfræðings vegna erfðaskrár móður þeirra. Hann afhendir þeim sitt hvort umslag... Meira »ið frá móðurinni og segir það hinstu ósk hennar að tvíburarnir afhendi umslögin í eigin persónu. Annað á að færa bróður þeirra sem þau vissu ekki að væri til og hitt föður þeirra sem þau töldu látinn.Systkinin halda með umslögin í óvenjulega ferð sem afhjúpar þeim áður ókunna fortíð móður þeirra og hræðilegt leyndarmál. Eldhaf er stór saga um alvöru fólk, harmleikur um fortíðina sem skapar nútímann.
Wajdi Mouawad (1968) er fæddur í Líbanon en flúði með foreldrum sínum til Parísar og býr nú í Montréal í Kanada þar sem hann starfar sem leikari, leikstjóri, leikhússtjóri og leikskáld. Eldhaf er hans þekktasta verk, hefur verið þýtt á tuttugu tungumál, farið sigurför um heiminn og verið sýnt í yfir 100 uppsetningum á síðustu árum. Kvikmyndin sem gerð var upp úr leikritinu hefur hlotið einróma lof og fjölda verðlauna.
Úr erlendum dómum:
„Eitt stórfenglegasta leikrit síðustu ára, yfir- gnæfir jafnvel stærstu harmleiki sögunnar.“Neue Presse
„Ofbeldi dregur fólk niður í svaðið og drepur, en mannúðin lifir. Ef til vill barnslegur boð- skapur en höfðar beint til hjartans í þessu stórfenglega leikriti.“Frankfurter Rundschau
„Aðeins eitt að gera: Horfa, njóta en vera jafnframt viðbúinn að upplifa hrylling sem fá hnakkahárin til að rísa.“ Børsen„Leiklist í hæstu hæðum – of mikilvægt til að láta fram hjá sér fara. Söguþráðurinn svo ótrúlega magnaður og einstakur að ekki er hægt annað en láta hrífast.“Information

11. Feb.2012, kl. 20:00

Hjónabandssæla

Undir styrkri stjórn Þórhildar Þorleifsdóttur leika þau Edda Björgvins og Laddi nú saman á ný en þau gerðu garðinn frægan í metsölumyndinni Stella í orlofi. Nú stíga saman þau á svið í  fyrsta leikver... Meira »kinu sem sett er upp í Gamla bíói eftir að það er nú opnað að nýju.
Hinrik og Lísa eru miðaldra hjón sem hafa verið gift í tuttugu og fimm ár. Ástareldurinn hefur kulnað, aukakílóin virðast komin til að vera á meðan hárin hverfa eða birtast á nýjum og óspennandi stöðum.  Kynlífið er komið á endastöð en til að fá hjólin til að snúast aftur sannfærir Lísa Hinrik um að eyða með sér helgi á hóteli til að blása nýjum glæðum í hjónabandið. En þegar Lísa fer að draga Hinrik á tálar er eitt og annað sem dregst fram í dagsljósið og um leið og fötunum fækkar hverfa hömlurnar og átökin magnast.
Leikhúsmógullinn kynnir sprenghlægilegt og kraftmikið verk um hjón sem fara í galið ferðalag um myrkustu kima hjónabandsins til að freysta þess að finna ástina á ný.

11. Feb.2012, kl. 22:00

Alvöru menn

Alvöru Menn í Austurbæ.

Hér er á ferðinni gamanleikur af bestu gerð með blöndu af uppistandi, söng og líkamlegum áhættuleik. Alvöru Menn eftir Glynn Nicholas og Scott Rankin hefur farið sig... Meira »urför um heiminn frá því það var frumsýnt í Ástralíu árið 1999. Það er vinsælasta gamanleikrit Svíþjóðar í dag og er á leiðinni upp á West End í London í febrúar.
Verkið segir frá þeim Hákoni, Smára og Finni Snæ. Þeir eru allir háttsettir vinnufélagar en Guðmundur, eigandi fyrirtækisins tilkynnir þeim að þeir þurfi að fara á sólareyju til að endurskipuleggja fyrirtækið og það verði að reka einhvern. Ferðin verður því full af spennu, samkeppni og óvæntum uppákomum. Þeir þurfa að horfast í augu við lífshættulegar aðstæður jafnt sem sinn innri mann og má vart á milli sjá hvort er fyndnara.
Leikarar eru þeir Egill Ólafsson, Jóhann G. Jóhannsson, Kjartan Guðjónsson og Jóhannes Haukur Jóhannesson. Með þeim á sviðinu er píanóleikarinn snjalli Pálmi Sigurhjartarson sem leikur undir í lögunum auk þess að sjá um lifandi leikhljóð.

Leikstjórn: Gunnar HelgasonLeikarar: Egill Ólafsson, Jóhann G. Jóhannsson, Kjartan Guðjónsson og Jóhannes Haukur Jóhannesson.

11. Feb.2012, kl. 22:30

Steini, Pési og Gaur á Trommu

Steini Pési og Gaur á Trommu

Pétur Jóhann Sigfússon og Þorsteinn Guðmundsson sem löngu eru orðnir landsþekktir fyrir sjónvarpsþætti sína og kvikmyndir slá nú saman í uppistandsveislu í Gaml... Meira »a bíói. Með þeim verður tónlistarmaðurinn Helgi Svavar Helgason sem mun halda taktinum gangandi á milli atriða og lífga upp á sýninguna með þokka sínum og persónutöfrum. Pétur og Þorsteinn hafa áður verið með uppistand saman. Fyrst komu þeir fram í Loftkastalanum fyrir 10 árum síðan og í framhaldi af því hafa þeir skemmt Íslendingum um land allt, bæði saman og hvor í sínu lagi. Uppistand þeirra fjallar um allt sem er fyndið, hvort sem það er kjánalegt, bjánalegt, ofurgáfulegt eða einfaldlega skemmtilegt. 
Sýningin í Gamla bíói er uppistand í sinni einföldustu mynd og hentar öllum aldurshópum (nema ungum börnum). Hún er ætluð báðum kynjum, hópum og einmana lúðum, fólki utan af landi eða úr fjölbýlishúsi í borg og jafnvel karlmönnum sem ólust upp hjá einsæðri móður. Að hlæja innilega saman er takmark og tilgangur uppistandsins.

11. Feb.2012, kl. 20:15

Söngvakeppni Sjónvarpsins 2012