Samuel L. Jackson reynir að tala íslensku

Nýjasta kvikmynd leikstjórans Tim Burton, Miss Peregrine's Home For Peculiar Children, verður frumsýnd í íslenskum kvikmyndahúsum í kvöld.

Á íslensku heitir myndin Heimili fröken Peregrine fyrir sérkennileg börn og fékk Smárabíó aðalleikara myndarinnar til að bera fram heiti hennar á íslensku.

Það gekk misvel en fylgjendur kvikmyndahússins áttu að giska á hvað leikararnir voru að segja til að eiga möguleika á því að fá frítt í bíó.

Samuel L. Jackson, Asa Butterfield, Ella Purnell og Finley MacMillan reyndu fyrir sér og má sjá afraksturinn hér að neðan.