Samrýnd og hittin systkini Óskar Ófeigur Jónsson skrifar 24. desember 2014 06:00 Tómas Heiðar Tómasson og Bergþóra Holton Tómasdóttir bregða á leik á dögunum. Vísir/Pjetur Tómas Heiðar Tómasson, 23 ára leikmaður karlaliðs Þórs úr Þorlákshöfn, og Bergþóra Holton Tómasdóttir, 20 ára leikmaður kvennaliðs KR, eiga fleira sameiginlegt en að hafa nýtt þriggja stiga skotin sín best af öllum leikmönnum Domino's-deildanna fyrir jól. Þau eru nefnilega systkini, börn Tómasar Holton og Önnur Bjarkar Bjarnadóttur, sem sjálf voru bæði A-landsliðsmenn á sínum tíma. Fréttablaðið hitti þessi hittnu systkini sem eru uppalin hjá Fjölni en skiptu bæði úr æskufélaginu þegar Fjölnisliðin féllu vorið 2013.Sumir með ákveðið forskot „Ég held að mikið af því sem tengist skothæfileikum sé eitthvað sem maður finnur og síðan pínu fæðist með. Það er alltaf hægt að bæta skotið meira og meira með því að æfa sig en sumir hafa kannski ákveðið forskot,“ segir Tómas Heiðar aðspurður hvort þetta sé í genunum. En hverju þakkar Bergþóra þessa góðu nýtingu? „Það fyrsta sem mér dettur í hug eru góðar skotæfingar frá því ég var lítil, hef alltaf verið með nokkuð gott skot. Annars er þetta bara æfing, skjóta nóg af þristum á æfingum og/eða fyrir og eftir æfingarnar,“ segir Bergþóra. Tómas hefur skorað 24 þrista og nýtt 50 prósent þriggja stiga skota sinna en Bergþóra hefur skorað 22 þrista og nýtt 39,3 prósent þriggja stiga skota sinna. „Þetta er búið að vera mjög gott tímabil fyrir mig. Ég hef tek á mig aðeins meiri ábyrgð sóknarlega heldur en á síðasta tímabili eða bara áður í úrvalsdeildinni. Ég hef bara gaman af því,“ segir Tómas og hann hrósar liðsfélögum sínum: „Það skiptir miklu máli fyrir skotmenn að fá góð skot og það gerist bara þegar maður er með góða menn í kringum sig,“ segir Tómas. „Tímabilið byrjaði ekki alveg nógu vel hjá okkur KR-stelpunum, en við höfum bætt okkur með tímabilinu og verðum betri með hverjum degi. Ég er bjartsýn fyrir seinni hluta tímabilsins og mjög spennt,“ segir Bergþóra.Skemmtileg tilviljun Bergþóra og Tómas gleðjast bæði yfir góðu gengi hvort annars. „Þetta er skemmtileg tilviljun en svo er bara alltaf gaman þegar Tómasi gengur vel. Hann er búinn að eiga frábæra byrjun á tímabilinu og ég er mjög spennt að sjá hvað Þór kemst langt í deildinni þetta árið,“ segir Bergþóra. „Ég varð óvart góður skotmaður fyrst,“ rifjar Tómas upp í léttum tón. „Ég var alltaf langminnstur í yngri flokkunum og oft var það eina sem ég gat gert að skjóta til þess að skora. Ef ég fór inn í, þá var ég allt of lítill og allt of aumur til að klára eitthvað. Það er ein af ástæðunum fyrir því að ég varð góður skotmaður og svo fann maður það út þegar maður varð eldri að það hefur þvílíka kosti að vera góður skotmaður. Þá fór líka mikið af mínum æfingatíma í það að æfa skotið,“ segir Tómas. Tómas er að spila sitt fimmta tímabil í úrvalsdeildinni en hann vantar enn 109 þrista til að skora jafn margar þriggja stiga körfur og pabbi hans sem skoraði 290 í 319 leikjum frá 1981 til 2000. Bergþóra er komin fram úr mömmu sinni en hún hefur skorað samtals 78 þrista í 65 leikjum í úrvalsdeild. En hversu líkir leikmenn eru þau systkinin?Með svipaða takta „Ég myndi segja að við séum með svipaða takta inn á milli, en ólík á sinn hátt. Tómas er miklu betri varnarmaður og hefur alltaf verið en við erum greinilega bæði ágætar skyttur,“ segir Bergþóra í léttum tón og Tómas tekur undir þetta. „Ég held að við séum að mörgu leyti nokkuð svipaðir leikmenn. Ég treysti aðeins meira á skotið heldur en hún. Hún er á móti með aðeins betri boltatækni en ég, jafnhentari og getur því klárað meira með báðum höndum,“ segir Tómas. Bergþóra hrósar líka bróður sínum fyrir yfirvegun á vellinum. „Hann er yfirleitt mjög rólegur og yfirvegaður. Ekkert mikið fyrir að röfla í dómurum né öðrum leikmönnum,“ segir Bergþóra kímin.Kemur oft við eftir æfingar Þau segjast vera með mjög samrýnd og tala heilmikið saman um körfuboltann. „Við tölum mjög mikið saman. Ég á heima í Vesturbænum núna og Bergþóra kemur oft við hjá mér eftir æfingar. Við höfum oft rætt málin og þá erum við oft mikið að fara yfir andlegu hliðina, hvernig maður undirbýr sig fyrir leiki og hvernig hugsunarþátturinn þurfi að vera,“ segir Tómas. Foreldrar þeirra styðja líka vel við bakið á þeim. „Ég þarf ekki að leita langt til að fá ráðleggingar,“ segir Tómas og Bergþóra tekur undir það. „Foreldrar okkar eru mjög dugleg að mæta á leiki. Frá því að ég byrjaði í körfu þá held ég að ég hafi nánast alltaf haft annað hvort þeirra á leik hjá mér. Þau eru einnig mjög hjálpsöm eftir erfið töp og samgleðjast í sigurleikjum,“ segir Bergþóra. En hvort þeirra er betri skotmaður? „Ég, ég er rétthent. Nei, ég held að Tómas sé orðinn stöðugri skotmaður en ég, enda á ég þrjú ár til góða,“ segir Bergþóra létt að lokum.Fengu skotgengið frá pabba sínum Tómas Heiðar og Bergþóra Holton hafa körfuboltann í blóðinu enda voru báðir foreldrar á fullu í efstu deild á sínum tíma. Bergþóra er fljót að svara aðspurð að því hvort þau hafi fengið skotgenið frá mömmu eða pabba. „Pabba okkar – „ekki spurning“ segir mamma. Hann var mjög góður leikstjórnandi á sínum tíma og mjög stöðugur skotmaður,“ segir Bergþóra. „Pabbi var leikstjórnandi og kannski líkari Bergþóru sem leikmaður. Fyrir utan líkamsburðina þá var hann í minningunni ekkert mjög líkur mér sem leikmaður. Hann var miklu meiri leikstjórnandi heldur en ég,“ segir Tómas. „Ég held að ég sé betri skytta en þau bæði. Eitt sem mamma hafði þegar hún var á fullu voru líkamlegir yfirburðir og hún var þvílíkur baráttuhundur. Ég held að það sé eitthvað sem hún hafði fram yfir mig og ég mætti kannski aðeins taka hana meira til fyrirmyndar og reyna að vera meira allt í öllu. Maður þarf að vera í svakalega góðu formi til þess að geta verið þannig leikmaður,“ segir Tómas. Tómas Holton spilaði stærsta hluta ferils síns með Val en hann var einnig spilandi þjálfari Skallagríms í nokkur ár. Anna Björk lék með ÍS en hún spilaði sjö A-landsleiki frá 1987 til 1989. Tómas spilaði 57 A-landsleiki, þann síðasta árið 1992. Dominos-deild karla Dominos-deild kvenna Mest lesið Sara hrundi niður listann eftir leiðréttingar Sport Davíð Tómasi bárust ljót skilaboð eftir leik: „Fokking mongolitið þitt“ Körfubolti Rashford: Nú er nóg komið Enski boltinn Virk sprengja úr seinni heimsstyrjöldinni undir leikvangi Mainz Fótbolti „Krakkarnir í stúkunni eru byrjaðir að taka upp á þessu líka“ Körfubolti Sjáðu og heyrðu sjónvarpslýsanda sturlast yfir Brynjólfi Fótbolti Littler stríddi stuðningsmönnum Liverpool Sport Sjáðu ótrúlegan flautuþrist Þorvaldar Orra Körfubolti „Tel mjög vafasamt að klukkan hafi verið sett af stað á réttum tíma“ Körfubolti Leikmaður Newcastle tók meirapróf Enski boltinn Fleiri fréttir Þrjú Suðurnesjalið í undanúrslitum í fyrsta sinn í tuttugu ár Davíð Tómasi bárust ljót skilaboð eftir leik: „Fokking mongolitið þitt“ „Krakkarnir í stúkunni eru byrjaðir að taka upp á þessu líka“ Lakers einu tapi frá því að vera sópað út úr úrslitakeppninni Sjáðu ótrúlegan flautuþrist Þorvaldar Orra „Tel mjög vafasamt að klukkan hafi verið sett af stað á réttum tíma“ „Vakna í hádeginu á morgun og fer að hugsa um Valsarana“ Uppgjörið: Njarðvík - Þór Þ. 98-97 | Þorvaldur Orri tryggði Njarðvík sigur með flautukörfu í framlengingu Friðrik Ingi sæmdur gullmerki Njarðvíkur Þórsarar hafa spilað þrjá oddaleiki síðan Njarðvík var síðast í oddaleik Sjokkeruðu Celtics menn með þriggja stiga skotsýningu „Heldur betur búinn að vinna hjörtu Keflvíkinga“ Tekið á móti Tryggva eins og Hollywood stjörnu Hristir hausinn yfir „glórulausum“ og „smásálarlegum“ ummælum Uppgjörið og viðtöl: Haukar 73-75 Stjarnan | Stjarnan áfram eftir naglbít Martin frábær í öruggum sigri „Við erum ekki með stráka sem þurfa að vera hetjur“ Sjáðu mömmu Remy Martin syngja og dansa á hliðarlínunni Luka og félagar jöfnuðu: „Þetta var 90s körfubolti eins og hann gerist bestur“ Sérfræðingarnir ekki sammála og mikil spenna fyrir oddaleikinn „Ég er bara mjög spenntur, þeir eru klárlega ‘the team to beat’“ „Maður hugsar ekki þannig sem þjálfari“ Uppgjör og viðtöl: Álftanes - Keflavík 85-114 | Sjóðheit Keflavíkursókn blés nýliðana burt Murray kramdi Lakers-hjörtun Viðar Örn: Stoltur af liðinu fyrir að skilja allt eftir á gólfinu Einar Árni hættur hjá Hetti „Erfitt að vinna þá þrisvar sinnum í röð“ Aþena er komið í úrslitaeinvígi um sæti í Subway-deild kvenna „Fannst að við hefðum átt að ná þessum mómentum fyrr“ Uppgjör: Þór Þ. - Njarðvík 84-91 | Gestirnir tryggðu sér oddaleik Sjá meira
Tómas Heiðar Tómasson, 23 ára leikmaður karlaliðs Þórs úr Þorlákshöfn, og Bergþóra Holton Tómasdóttir, 20 ára leikmaður kvennaliðs KR, eiga fleira sameiginlegt en að hafa nýtt þriggja stiga skotin sín best af öllum leikmönnum Domino's-deildanna fyrir jól. Þau eru nefnilega systkini, börn Tómasar Holton og Önnur Bjarkar Bjarnadóttur, sem sjálf voru bæði A-landsliðsmenn á sínum tíma. Fréttablaðið hitti þessi hittnu systkini sem eru uppalin hjá Fjölni en skiptu bæði úr æskufélaginu þegar Fjölnisliðin féllu vorið 2013.Sumir með ákveðið forskot „Ég held að mikið af því sem tengist skothæfileikum sé eitthvað sem maður finnur og síðan pínu fæðist með. Það er alltaf hægt að bæta skotið meira og meira með því að æfa sig en sumir hafa kannski ákveðið forskot,“ segir Tómas Heiðar aðspurður hvort þetta sé í genunum. En hverju þakkar Bergþóra þessa góðu nýtingu? „Það fyrsta sem mér dettur í hug eru góðar skotæfingar frá því ég var lítil, hef alltaf verið með nokkuð gott skot. Annars er þetta bara æfing, skjóta nóg af þristum á æfingum og/eða fyrir og eftir æfingarnar,“ segir Bergþóra. Tómas hefur skorað 24 þrista og nýtt 50 prósent þriggja stiga skota sinna en Bergþóra hefur skorað 22 þrista og nýtt 39,3 prósent þriggja stiga skota sinna. „Þetta er búið að vera mjög gott tímabil fyrir mig. Ég hef tek á mig aðeins meiri ábyrgð sóknarlega heldur en á síðasta tímabili eða bara áður í úrvalsdeildinni. Ég hef bara gaman af því,“ segir Tómas og hann hrósar liðsfélögum sínum: „Það skiptir miklu máli fyrir skotmenn að fá góð skot og það gerist bara þegar maður er með góða menn í kringum sig,“ segir Tómas. „Tímabilið byrjaði ekki alveg nógu vel hjá okkur KR-stelpunum, en við höfum bætt okkur með tímabilinu og verðum betri með hverjum degi. Ég er bjartsýn fyrir seinni hluta tímabilsins og mjög spennt,“ segir Bergþóra.Skemmtileg tilviljun Bergþóra og Tómas gleðjast bæði yfir góðu gengi hvort annars. „Þetta er skemmtileg tilviljun en svo er bara alltaf gaman þegar Tómasi gengur vel. Hann er búinn að eiga frábæra byrjun á tímabilinu og ég er mjög spennt að sjá hvað Þór kemst langt í deildinni þetta árið,“ segir Bergþóra. „Ég varð óvart góður skotmaður fyrst,“ rifjar Tómas upp í léttum tón. „Ég var alltaf langminnstur í yngri flokkunum og oft var það eina sem ég gat gert að skjóta til þess að skora. Ef ég fór inn í, þá var ég allt of lítill og allt of aumur til að klára eitthvað. Það er ein af ástæðunum fyrir því að ég varð góður skotmaður og svo fann maður það út þegar maður varð eldri að það hefur þvílíka kosti að vera góður skotmaður. Þá fór líka mikið af mínum æfingatíma í það að æfa skotið,“ segir Tómas. Tómas er að spila sitt fimmta tímabil í úrvalsdeildinni en hann vantar enn 109 þrista til að skora jafn margar þriggja stiga körfur og pabbi hans sem skoraði 290 í 319 leikjum frá 1981 til 2000. Bergþóra er komin fram úr mömmu sinni en hún hefur skorað samtals 78 þrista í 65 leikjum í úrvalsdeild. En hversu líkir leikmenn eru þau systkinin?Með svipaða takta „Ég myndi segja að við séum með svipaða takta inn á milli, en ólík á sinn hátt. Tómas er miklu betri varnarmaður og hefur alltaf verið en við erum greinilega bæði ágætar skyttur,“ segir Bergþóra í léttum tón og Tómas tekur undir þetta. „Ég held að við séum að mörgu leyti nokkuð svipaðir leikmenn. Ég treysti aðeins meira á skotið heldur en hún. Hún er á móti með aðeins betri boltatækni en ég, jafnhentari og getur því klárað meira með báðum höndum,“ segir Tómas. Bergþóra hrósar líka bróður sínum fyrir yfirvegun á vellinum. „Hann er yfirleitt mjög rólegur og yfirvegaður. Ekkert mikið fyrir að röfla í dómurum né öðrum leikmönnum,“ segir Bergþóra kímin.Kemur oft við eftir æfingar Þau segjast vera með mjög samrýnd og tala heilmikið saman um körfuboltann. „Við tölum mjög mikið saman. Ég á heima í Vesturbænum núna og Bergþóra kemur oft við hjá mér eftir æfingar. Við höfum oft rætt málin og þá erum við oft mikið að fara yfir andlegu hliðina, hvernig maður undirbýr sig fyrir leiki og hvernig hugsunarþátturinn þurfi að vera,“ segir Tómas. Foreldrar þeirra styðja líka vel við bakið á þeim. „Ég þarf ekki að leita langt til að fá ráðleggingar,“ segir Tómas og Bergþóra tekur undir það. „Foreldrar okkar eru mjög dugleg að mæta á leiki. Frá því að ég byrjaði í körfu þá held ég að ég hafi nánast alltaf haft annað hvort þeirra á leik hjá mér. Þau eru einnig mjög hjálpsöm eftir erfið töp og samgleðjast í sigurleikjum,“ segir Bergþóra. En hvort þeirra er betri skotmaður? „Ég, ég er rétthent. Nei, ég held að Tómas sé orðinn stöðugri skotmaður en ég, enda á ég þrjú ár til góða,“ segir Bergþóra létt að lokum.Fengu skotgengið frá pabba sínum Tómas Heiðar og Bergþóra Holton hafa körfuboltann í blóðinu enda voru báðir foreldrar á fullu í efstu deild á sínum tíma. Bergþóra er fljót að svara aðspurð að því hvort þau hafi fengið skotgenið frá mömmu eða pabba. „Pabba okkar – „ekki spurning“ segir mamma. Hann var mjög góður leikstjórnandi á sínum tíma og mjög stöðugur skotmaður,“ segir Bergþóra. „Pabbi var leikstjórnandi og kannski líkari Bergþóru sem leikmaður. Fyrir utan líkamsburðina þá var hann í minningunni ekkert mjög líkur mér sem leikmaður. Hann var miklu meiri leikstjórnandi heldur en ég,“ segir Tómas. „Ég held að ég sé betri skytta en þau bæði. Eitt sem mamma hafði þegar hún var á fullu voru líkamlegir yfirburðir og hún var þvílíkur baráttuhundur. Ég held að það sé eitthvað sem hún hafði fram yfir mig og ég mætti kannski aðeins taka hana meira til fyrirmyndar og reyna að vera meira allt í öllu. Maður þarf að vera í svakalega góðu formi til þess að geta verið þannig leikmaður,“ segir Tómas. Tómas Holton spilaði stærsta hluta ferils síns með Val en hann var einnig spilandi þjálfari Skallagríms í nokkur ár. Anna Björk lék með ÍS en hún spilaði sjö A-landsleiki frá 1987 til 1989. Tómas spilaði 57 A-landsleiki, þann síðasta árið 1992.
Dominos-deild karla Dominos-deild kvenna Mest lesið Sara hrundi niður listann eftir leiðréttingar Sport Davíð Tómasi bárust ljót skilaboð eftir leik: „Fokking mongolitið þitt“ Körfubolti Rashford: Nú er nóg komið Enski boltinn Virk sprengja úr seinni heimsstyrjöldinni undir leikvangi Mainz Fótbolti „Krakkarnir í stúkunni eru byrjaðir að taka upp á þessu líka“ Körfubolti Sjáðu og heyrðu sjónvarpslýsanda sturlast yfir Brynjólfi Fótbolti Littler stríddi stuðningsmönnum Liverpool Sport Sjáðu ótrúlegan flautuþrist Þorvaldar Orra Körfubolti „Tel mjög vafasamt að klukkan hafi verið sett af stað á réttum tíma“ Körfubolti Leikmaður Newcastle tók meirapróf Enski boltinn Fleiri fréttir Þrjú Suðurnesjalið í undanúrslitum í fyrsta sinn í tuttugu ár Davíð Tómasi bárust ljót skilaboð eftir leik: „Fokking mongolitið þitt“ „Krakkarnir í stúkunni eru byrjaðir að taka upp á þessu líka“ Lakers einu tapi frá því að vera sópað út úr úrslitakeppninni Sjáðu ótrúlegan flautuþrist Þorvaldar Orra „Tel mjög vafasamt að klukkan hafi verið sett af stað á réttum tíma“ „Vakna í hádeginu á morgun og fer að hugsa um Valsarana“ Uppgjörið: Njarðvík - Þór Þ. 98-97 | Þorvaldur Orri tryggði Njarðvík sigur með flautukörfu í framlengingu Friðrik Ingi sæmdur gullmerki Njarðvíkur Þórsarar hafa spilað þrjá oddaleiki síðan Njarðvík var síðast í oddaleik Sjokkeruðu Celtics menn með þriggja stiga skotsýningu „Heldur betur búinn að vinna hjörtu Keflvíkinga“ Tekið á móti Tryggva eins og Hollywood stjörnu Hristir hausinn yfir „glórulausum“ og „smásálarlegum“ ummælum Uppgjörið og viðtöl: Haukar 73-75 Stjarnan | Stjarnan áfram eftir naglbít Martin frábær í öruggum sigri „Við erum ekki með stráka sem þurfa að vera hetjur“ Sjáðu mömmu Remy Martin syngja og dansa á hliðarlínunni Luka og félagar jöfnuðu: „Þetta var 90s körfubolti eins og hann gerist bestur“ Sérfræðingarnir ekki sammála og mikil spenna fyrir oddaleikinn „Ég er bara mjög spenntur, þeir eru klárlega ‘the team to beat’“ „Maður hugsar ekki þannig sem þjálfari“ Uppgjör og viðtöl: Álftanes - Keflavík 85-114 | Sjóðheit Keflavíkursókn blés nýliðana burt Murray kramdi Lakers-hjörtun Viðar Örn: Stoltur af liðinu fyrir að skilja allt eftir á gólfinu Einar Árni hættur hjá Hetti „Erfitt að vinna þá þrisvar sinnum í röð“ Aþena er komið í úrslitaeinvígi um sæti í Subway-deild kvenna „Fannst að við hefðum átt að ná þessum mómentum fyrr“ Uppgjör: Þór Þ. - Njarðvík 84-91 | Gestirnir tryggðu sér oddaleik Sjá meira
Uppgjörið: Njarðvík - Þór Þ. 98-97 | Þorvaldur Orri tryggði Njarðvík sigur með flautukörfu í framlengingu