MÁNUDAGUR 29. ÁGÚST NÝJAST 07:00

Hann látti mig gera ţađ

SKOĐANIR

Samkeppniseftirlitiđ útilokar ekki rannsókn á olíufélögunum

 
Innlent
06:00 11. JANÚAR 2016
Olíufélögin
Olíufélögin

Samkeppniseftirlitið lýsir yfir furðu sinni á því að tvö af þremur stærstu olíufélögum landsins skiluðu ekki inn tilboði í sölu á þúsundum tonna af eldsneyti til útgerða og smábátasjómanna í fyrra. Það gengur þvert á frumniðurstöður yfirstandandi markaðsrannsóknar á eldsneytismarkaðnum – að meiri samkeppni virðist ríkja í sölu eldsneytis til fyrirtækja en einstaklinga.

Eins og Fréttablaðið greindi frá á fimmtudag skiluðu tvö af þremur stóru olíufélögunum á Íslandi, N1 og Olís, ekki inn tilboði til að tryggja sér viðskipti með verulegt magn af eldsneyti til á þriðja hundruð smábátasjómanna. Skeljungur tryggði sér samninginn í lok árs 2015 en auk Skerljungs tók Atlantsolía þátt í útboðinu. Í október var sama uppi á teningnum í útboði til allmargra útgerða þar sem Olís skilaði ekki inn tilboði.

Örn Pálsson, framkvæmdastjóri Landssambands smábátaeigenda, gagnrýndi harðlega að félögin hafi ekki skilað inn tilboði, og vísaði til samkeppnissjónarmiða í viðtali við Fréttablaðið.
Forsvarsmenn Olís og N1 sögðu hins vegar að útboðsskilmálar hefðu verið óaðgengilegir fyrir margra hluta sakir, og ekki hafi komið til greina að greiða millilið vegna viðskipta með eldsneyti til sjómanna [Sjávarkaup hf. sem annaðist bæði útboðin]. Skeljungur telur hins vegar að útboðsskilmálar hafi verið með öllu eðlilegir, og tryggði sér viðskiptin í báðum útboðunum.

Páll Gunnar Pálsson, forstjóri Samkeppniseftirlitsins, segir í skriflegu svari til Fréttablaðsins: „Í ljósi þeirrar niðurstöðu skýrslunnar að samkeppni sé virkust í stærri viðskiptum kemur það Samkeppniseftirlitinu verulega á óvart að aðeins eitt af stóru olíufélögunum hafi sóst eftir viðskiptum sem eru nokkuð umfangsmikil. Hafi átt sér stað einhver samskipti, milli olíufélaganna sem ekki buðu, sem með beinum eða óbeinum hætti varða umrætt útboð væri um alvarlegt mál að ræða. Samkeppniseftirlitið hefur hins vegar engar upplýsingar um að svo hafi verið,“ skrifar Páll Gunnar og bætir við að búi einhver yfir slíkum upplýsingum geti viðkomandi snúið sér til eftirlitsins.

Spurður hvort sú staðreynd að tvö félög af þremur stærstu taka ekki þátt í útboðum á rúmlega 18% af öllu eldsneyti sem selt er til útgerðarinnar á ársgrundvelli sé ein og sér tilefni til rannsóknar, svarar Páll Gunnar. „Við munum leggja mat á það þegar við höfum fengið fram sjónarmið við frummatsskýrslunni,“ og vísar til markaðsrannsóknar eftirlitsins. 


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Samkeppniseftirlitiđ útilokar ekki rannsókn á olíufélögunum
Fara efst