Rooney tæpur fyrir úrslitaleikinn

Svo gæti farið að Wayne Rooney verði ekki með Manchester United þegar liðið mætir Southampton í úrslitaleik ensku deildabikarkeppninnar á sunnudag.

Rooney hefur misst af síðustu tveimur deildarleikjum United og var ekki í hópi liðsins er liðið mætti Blackburn í enska bikarnum um helgina.

Jose Mourinho, stjóri United, sagði að Rooney hefði verið að glíma við meiðsli í vöðva í síðustu viku og aðspurður sagðist hann ekki vita hvort að Rooney yrði klár í slaginn um helgina.

Rooney var síðast í byrjunarliði United í 2-0 sigri liðsins á West Brom þann 17. desember.

Áður en kemur að úrslitaleiknum á sunnudag mun United leika gegn Saint-Etienne í síðari leik liðanna í 32-liða úrslitum Evrópudeildar UEFA en Mourinho sagði að lykilmenn yrðu hvíldir í þeim leik. United hefur 3-0 forystu eftir fyrri viðureign liðanna.

Úrslitaleikur Manchester United og Southampton hefst klukkan 16.30 á sunnudag en upphitun hefst á Stöð 2 Sport klukkan 16.00. Fáðu þér áskrift á 365.is.