Ronaldo og Hegerberg best í Evrópu

Cristiano Ronaldo og Ada Hegerberg eru bestu leikmenn Evrópu árið 2016.

Þetta var tilkynnt við hátíðlega athöfn í Mónakó, eftir að dregið var í riðla í Meistaradeild Evrópu.

Ronaldo hafði betur gegn Gareth Bale, samherja sínum hjá Real Madrid, og Antoine Griezmann. Þetta er í annað sinn sem Ronaldo hlýtur þessi verðlaun en hann fékk þau einnig 2014.

Ada Hegerberg, leikmaður Lyon og norska landsliðsins, var valin fram yfir Amandine Henry og Dzsenifer Marozsán, samherja sína hjá Lyon, í kvennaflokki.