Polanski reynir að losna undan nauðgunardómi

Lögfræðingar leikstjórans Romans Polanski reyna enn að losa hann undan dómi sem hann fékk á sig fyrir nauðgun á áttunda áratugnum í Bandaríkjunum en hann hefur verið útlægur þaðan frá þeim tíma.

Lögfræðingarnir hafa nú farið fram á að málið verði tekið upp að nýju og segja þeir að ný sönnunargögn sýni að dómarinn í málinu á sínum tíma hafi farið á svig við lögin þegar hann dæmdi leikstjórann. Polanski er nú í stofufangelsi í Sviss þar sem hann bíður þess að verða framseldur til Bandaríkjanna til þess að afplána dóminn.