Paris og Britney ekki lengur vinkonur

Slitnað hefur upp úr skyndivinskap þeirra Britney Spears og Paris Hilton. Fréttir herma að Britney hafi sagt Paris að hún gæti ekki lengur sést með hótelprinsessunni, orðspors síns vegna. Britney hafi ákveðið að vinskapurinn væri hreinlega ekki þess virði eftir þá slæmu útreið sem hún hefur hlotið í fjölmiðlum síðan hún fór að verja öllum sínum stundum í félagsskap fröken Hilton.

Ekki er vitað hvort poppprinsessan sé þar með að bregðast við fregnunum að einn mesti aðdáandi hennar áformi að loka síðu sem hann hefur haldið úti henni til heiðurs í sex ár.

Paris tók skilaboðunum eitthvað illa og svaraði fyrir sig með því að láta það vera að bjóða Britney í jólapartíið sitt. Hún hefur jafnframt tekið upp á því að kalla poppprinsessuna „Dýrið".