Nate litli Robinson međ stórskemmtileg tilţrif | Myndband

 
Körfubolti
15:15 26. FEBRÚAR 2017
Nate, Marco Belinelli og LeBron James í leik á sínum tíma.
Nate, Marco Belinelli og LeBron James í leik á sínum tíma.
Kristinn Páll Teitsson skrifar

Nate Robinson sem er NBA-áhugamönnum kunnugur sýndi skemmtileg tilþrif í leik með Delaware 87ers í D-League deildinni í Bandaríkjunum í gær.

Robinson sem var á sínum tíma valinn með 21. valrétt af New York Knicks vakti athygli á vellinum en hann er aðeins 1,75 metri á hæð og keppti í deild sem meðalhæðin er um tveir metrar. Varð hann þrívegis valinn troðslumeistari NBA-deildarinnar.

Það hindraði hann ekki inn á vellinum en hann lék á ferli sínum með Knicks, Boston Celtics, Oklahoma City Thunder, Golden State Warriors, Chicago Bulls, Denver Nuggets, Los Angeles Clippers og New Orleans Pelicans en eftir stutt stopp í Ísrael er hann kominn í varaliðsdeild NBA-deildarinnar.

Í leik Delaware 87ers reyndu leikmenn Raptors 905 að loka á Robinson en hann fann sér leið í gegnum klof miðherjans Edy Tavares sem er tæplega 2,2 metrar. Tókst honum að keyra inn að körfunni og sækja tvö vítaskot en myndband af þessu má sjá hér fyrir neðan.




Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Körfubolti / Nate litli Robinson međ stórskemmtileg tilţrif | Myndband
Fara efst