ŢRIĐJUDAGUR 30. ÁGÚST NÝJAST 17:00

Allt ađ gerast hjá Hull | Mason keyptur fyrir metfé

SPORT

Mottumars hófst međ björgunarađgerđ

 
Innlent
20:00 01. MARS 2016

Farinn var björgunarleiðangur um borð í varðskipið Þór í dag. í þetta sinn var þó enginn í sjávarháska, heldur sigu fulltrúar krabbameinsfélagsins og fyrirtækja í sjávarútvegi um borð og afhentu  skipherra Þórs sérstakt björgunarbox. Tilefnið er hinn árlegi Mottumars.

Kristján Oddsson forstjóri Krabbameinsfélagsins segir að í björgunarkassanum sé bæði myndrænt fræðsluefniog eins bæklingar sem eru til að upplýsa karlmenn um einkenni krabbameins, með sérstakri áherslu á blöðruhálskrabbamein.

„Allar rannsóknir sýna það að karlmenn leita síður og seinna til lækna og þá oft að áeggjan kvenna. Þetta er fyrst og fremst árvekniátak til að vejka þá til umhugsunar um eigin heilsu,“ sagði Kristján um borð í varðskipinu í dag.

Málið stendur gæslunni nærri, því á stuttum tíma létust þrír úr hennar röðum úr krabbameini. Einn þeirra var Vilhjálmur Óli Valsson sigmaður, sem sigraði mottumars 2013 en lést stuttu síðar. Georg Lárusson forstjóri Landhelgisgæslunnar segir að þar vinni menn oft við hættulegar aðstæður, en krabbameinið sé hætta sem ekki þurfi síður að huga að.

„Þetta læðist aftan að mönnum og heggur þar sem að síst skyldi. Við höfum þurft að sjá á eftir félögum okkar vegna þessa sjúkdóms sem hér er verið að vinna gegn, þannig að við viljum minnast þeirra. Við viljum jafnframt efla öryggi okkar manna , sjómanna almennt og landslýðs alls.“


Forstjóri Krabbameinsfélagsins seig úr ţyrlu um borđ í varđskipiđ Ţór í dag međ s.k. „björgunarpakka
Forstjóri Krabbameinsfélagsins seig úr ţyrlu um borđ í varđskipiđ Ţór í dag međ s.k. „björgunarpakka" til sjómanna og annarra karlmanna.

Ekki mesta karlmennskan að bíta á jaxlinn
Björgunarboxunum verður nú meðal annars dreift til áhafna fiskiskipa, þar sem starfa margir karlmenn og er markmiðið að vekja þá til vitundar og fræða um einkennin. Jens Garðar Helgason formaður Samtaka fyrirtækja í sjávarútvegi segir að með því að styrkja átakið vilji samtökin hvetja sjómennina víðsvegar um allt land til þess að kynna sér einkenni krabbameinsins.

„Og þegar menn fara að finna fyrir einhvejru að bíta bara ekki á jaxlinn, eins og okkar menn vilja oft gera og hefur kannski þótt merki um karlmennsku. Þá er enn meiri karlmennska að fara í skoðun.“

Jens sagði það táknrænt að vera af þessu tilefni um borð í varðskipinu Þór. „Því við höfum oft verið í háska og ólgusjó, en nú erum við saman í því að fara í annars konar björgun og biðja menn að muna það er líka annars konar háski, sem getur gerjast innra með okkur, sem við þurfum þá berjast við.“

Mottumars átakið stendur allan marsmánuð en markmið þess er að vera bæði árveknis- og fjáröflunarátak. Nánar má fræðast um mottumars, og skrá sig í áheitakeppnina, á vefnum mottumars.is


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Mottumars hófst međ björgunarađgerđ
Fara efst