Meiri þátttaka en síðast

Talsvert fleiri hafa greitt atkvæði utan kjörfundar í Reykjavík en á sama tíma fyrir fjórum árum.

Í gærkvöldi höfðu 4.146 greitt atkvæði í Reykjavík en á sama tíma fyrir fjórum árum höfðu 2.836 kosið. Samkvæmt upplýsingum Sýslumannsins í Reykjavík fór utankjörfundaratkvæðagreiðslan fremur hægt af stað en hefur verið að glæðast.

Í gær höfðu 6.850 greitt atkvæði utan kjörfundar á landinu öllu og í sendiráðum erlendis en í gærkvöldi voru utankjörfundaratkvæði orðin 9.497.