Meiri óvissa um verðbólgu

Meiri óvissa er um verðbólgu núna en áður var, segir Már Guðmundsson seðlabankastjóri. Hann kynnir nú forsendur að baki vaxtaákvörðunar bankans á fundi sem fram fer í húsnæði Seðlabankans.

Eins og fram kom í fréttum fyrr í morgun hefur peningastefnunefnd bankans ákveðið að halda vöxtum óbreyttum. Í tilkynningu sem Seðlabankinn sendi í morgun kemur fram að batni verðbólguhorfur ekki sé líklegt að hækka þurfi nafnvexti á næstunni til þess að taumhald peningastefnunnar, sem bankinn telur að sé enn tiltölulega laust, verði hæfilegt.