Marsspá Siggu Kling – Nautiđ: Miklir töfrar í kringum ţig nćstu 120 daga

 
Lífiđ
09:00 03. MARS 2017
Marsspá Siggu Kling – Nautiđ: Miklir töfrar í kringum ţig nćstu 120 daga

Elsku nautið mitt, þú hefur þann hæfileika að geta breytt hvaða greni sem er í dásamlega paradís. Það er eins og þú sért í hreiðurgerð þetta vorið og það þýðir alls ekki að það séu að koma ungar, heldur ert þú að laga allt til í kringum þig, henda hlutum, kaupa nýtt. Þú ferð líka í það að gera skarpari stíl hjá sjálfu þér. Þú átt eftir að finna út hvaða karakter þú vilt skapa því að það er náttúrulega þú sem skapar sjálft þig í þeirri mynd sem þú vilt sjá sjálft þig.

Og þessi kraftur er að opnast fyrir þér, þú munt sjá fegurðina í kringum þig með skýrari augum. Þú verður ánægðara með sjálft þig og þar af leiðandi með aðra, því að ánægjan byrjar hjá þér. Það er ekki neitt sem getur stoppað þig á næstu mánuðum. Því að þú ert eins og fuglinn Fönix sem rís upp og sýnir fallegu vængina sína. Þú átt eftir að laga öskustóna sem þú varst í.

Því að það eru svo miklir töfrar í kringum þig næstu 120 daga að minnsta kosti. Nú er kannski eitthvert naut að lesa þetta og það hugsar: „það er ekkert að gerast hjá mér og engin hreyfing búin að vera í lífi mínu“. En þá verður þú elskan mín að kalla með orðum og hugsunum á það sem þú vilt fá í lífið þitt. Því að eina sem getur stoppað þig er ótti við breytingar og þá verður þessi stöðnun að veruleika, af því að þú ert að kalla á það. Þú skalt reisa hendurnar upp til himins, því að það er þitt loftnet, og segja ég er tilbúið fyrir nýtt líf, ég er tilbúið fyrir nýja og spennandi hluti.

Ástamálin skiptast oft þannig hjá þér að það eru löng ástarsambönd eða þá langir tímar í einveru. Þú ert opið fyrir ástinni, sérstaklega þegar vorið er komið og ef þú ert svo heppið að vera á lausu og þorir að gefa part af hjarta þínu, þá ert þú í góðum málum, því að ástarguðinn Amor er að skjóta sínum ástarörvum út um allt og það eru margir að leita að þér. Eina sem þú þarft að gera er að opna hugann þá færðu það sem að þú vil.

Mottó: ef ég fóðra huga minn af neikvæðni og þunglyndum setningum þá fæ ég það sama til baka, en ef ég fóðra þig á einhverju góðu og uppbyggilegu þá kallar ég á það. Þetta er langt mottó, en hverjum er ekki sama !

Fræg Naut: Aron Einar Gunnarsson fyrirliði íslenska knattspyrnulandsliðsins, Hannes Þór Halldórsson markvörður, Ari Freyr Skúlason landsliðsmaður, Svali Kaldalóns fjölmiðlamógúll, Guðrún Veiga Guðmundsdóttir, rithöfundur og latikokkur, Ellý Ármanns fjölmiðlakona, Friðrik Þór Friðriksson leikstjóri, Valtýr Björn Valtýsson íþróttafréttamaður, Ólafur Ragnar Grímsson forseti, Álfheiður Ingadóttir þingkona, Halldór Laxness, rithöfundur og skáld, Rúnar Freyr Gíslason leikari, Garðar Thor Cortes söngvari, Helga Möller söngkona, Katrín Tanja Davíðsdóttir crossfit-meistari, Nanna Bryndís Hilmarsdóttir söngkona, Pétur Jóhann Sigfússon, Addi Exos dj-snillingur.



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ

TAROT DAGSINS

Dragđu spil og sjáđu hvađa spádóm ţađ geymir.
Forsíđa / Lífiđ / Lífiđ / Marsspá Siggu Kling – Nautiđ: Miklir töfrar í kringum ţig nćstu 120 daga
Fara efst