Lostafullar verur á fögrum felustað Erla Björg Gunnarsdóttir skrifar 25. október 2014 10:00 Meadow er fyrsta verk Brians sem hann vinnur með Íslenska dansflokknum. Hann segist þó njóta þess enn betur að dansa en að semja eigin verk, enda sé hann fullkomlega í núinu uppi á sviði. vísir/vilhelm Verk Brians Gerke, Meadow, er fyrsta dansverkið sem hann semur einn síns liðs fyrir Íslenska dansflokkinn og verður það frumsýnt í kvöld á sýningunni Emotional. Gleðin var helsti innblástur Brians. „Þegar ég samdi verkið var ég á þeim stað í lífi mínu að ég þurfti virkilega á því að halda að muna eftir gleðinni, skynjun líkama míns, svita og svo framvegis. Ég hafði upplifað erfiðan tíma og mér fannst ég þurfa að vera meðvitaður um að muna eftir því góða og fallega í lífi mínu,“ segir Brian, sem flutti til Íslands fyrir sjö árum. Þegar hann fór í heimsókn til foreldra sinna á æskuslóðirnar í Montana í Bandaríkjunum fékk hann innblástur fyrir verkið. „Ég er mjög hrifinn af gömlu Disney-myndunum, eins og Lísu í Undralandi og Fantasíu, og dularfullu verunum og dýrunum í þeim. Síðan þegar ég var í Montana og horfði á stórkostlegt landslagið þar fór ég að hugsa um hversu mörg falin vötn og sléttur eru í skógunum, sem enginn veit af. Það þótti mér ótrúlega heillandi og ég ímyndaði mér að alls kyns dýr byggju á felustaðnum og hugsaði um hvernig þau myndu haga sér, berjast, elskast og leika.“Meadow eftir Brian GerkeÚt frá hugmyndum um gleði, Disney-verur og felustaði í skóginum fór Brian að sjá fyrir sér dansara dansflokksins á hreyfingu sem tjáði þessar tilfinningar. „Meadow er í raun blanda af minningu og fantasíu. Ég myndi lýsa verkinu sem lostafullu, gleðilegu, fullu af gáska og fallega saklausu.“ Brian talar fallega um samstarfsfólk sitt í Íslenska dansflokknum og segist hafa viljað vinna verkið með þeim vegna ótrúlegra hæfileika þeirra. „Allir dansararnir eru svo hæfileikaríkir og hver og einn dansari er einstakur. Þau eru eins og ofurhetjulið, hver og einn með sinn einstaka ofurkraft.“ Brian líður vel á Íslandi og heillast af því hversu duglegir Íslendingar eru að sækja listviðburði. „Íslendingar fara í leikhús eins og Bandaríkjamenn fara í bíó. Það er yndislegt og ég vona að yngri kynslóðir haldi þessu áfram. Vonandi munu fleiri Íslendingar sækja sýningar dansflokksins. Ég held að fæstir átti sig á því að hér á landi starfar dansflokkur á heimsmælikvarða, sem er þekktur og virtur úti í heimi. Það er fyndið en Íslenski dansflokkurinn er í raun frægari erlendis en hér heima.“ Sýningin Emotional samanstendur af tveimur dansverkum, Meadow og EMO1994 eftir Ole Martin Meland. Verk Brians verður frumsýnt í kvöld ásamt verkinu EMO1994 eftir Ole Martin Meland. Mest lesið Kvaddi dramað og flutti fyrir ástina Lífið Maður þurfti ekki að vera skyggn Gagnrýni Kátir tískukarlar hjá Kölska Tíska og hönnun Ein lausn er að liggja hlið við hlið og fróa sér Lífið Verslunarhjón selja glæsivillu í 108 Lífið Selur slapp úr hvalskjafti Lífið „Það spurði þig enginn“ Lífið Eitt stærsta bílabíó landsins fer fram um helgina Lífið Okkar eigið Ísland: Skelltu sér í slímuga laug Lífið Gáfu dótturinni þrjú nöfn Lífið Fleiri fréttir Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Skelltu sér úr háloftunum niður í Hörpu Klippt út af myndinni Ein litríkasta íbúð landsins til sölu Gæsun Maríu Thelmu tók óvænta U-beygju Gáfu dótturinni þrjú nöfn Stjörnulífið: Brúðkaupsafmæli á hlaupum og lokatónleikar Laufeyjar Var Díana prinsessa myrt? Ráðgjafi Bandaríkjaforseta í Hörpu Fyrsta starfið að fara út með hund Madonnu Tito Jackson er látinn „Hefur þú heyrt söguna af því þegar þú komst í heiminn?“ Ratleikur sem endaði með óvæntu brúðkaupi Ljósmyndaþáttur Ragnars Axelssonar: „Fjöllin hafa vakað lengur en í þúsund ár“ Sex heilnæm heilsuráð inn í haustið Krakkatía vikunnar: Litir, ljón og sjón Sjá meira
Verk Brians Gerke, Meadow, er fyrsta dansverkið sem hann semur einn síns liðs fyrir Íslenska dansflokkinn og verður það frumsýnt í kvöld á sýningunni Emotional. Gleðin var helsti innblástur Brians. „Þegar ég samdi verkið var ég á þeim stað í lífi mínu að ég þurfti virkilega á því að halda að muna eftir gleðinni, skynjun líkama míns, svita og svo framvegis. Ég hafði upplifað erfiðan tíma og mér fannst ég þurfa að vera meðvitaður um að muna eftir því góða og fallega í lífi mínu,“ segir Brian, sem flutti til Íslands fyrir sjö árum. Þegar hann fór í heimsókn til foreldra sinna á æskuslóðirnar í Montana í Bandaríkjunum fékk hann innblástur fyrir verkið. „Ég er mjög hrifinn af gömlu Disney-myndunum, eins og Lísu í Undralandi og Fantasíu, og dularfullu verunum og dýrunum í þeim. Síðan þegar ég var í Montana og horfði á stórkostlegt landslagið þar fór ég að hugsa um hversu mörg falin vötn og sléttur eru í skógunum, sem enginn veit af. Það þótti mér ótrúlega heillandi og ég ímyndaði mér að alls kyns dýr byggju á felustaðnum og hugsaði um hvernig þau myndu haga sér, berjast, elskast og leika.“Meadow eftir Brian GerkeÚt frá hugmyndum um gleði, Disney-verur og felustaði í skóginum fór Brian að sjá fyrir sér dansara dansflokksins á hreyfingu sem tjáði þessar tilfinningar. „Meadow er í raun blanda af minningu og fantasíu. Ég myndi lýsa verkinu sem lostafullu, gleðilegu, fullu af gáska og fallega saklausu.“ Brian talar fallega um samstarfsfólk sitt í Íslenska dansflokknum og segist hafa viljað vinna verkið með þeim vegna ótrúlegra hæfileika þeirra. „Allir dansararnir eru svo hæfileikaríkir og hver og einn dansari er einstakur. Þau eru eins og ofurhetjulið, hver og einn með sinn einstaka ofurkraft.“ Brian líður vel á Íslandi og heillast af því hversu duglegir Íslendingar eru að sækja listviðburði. „Íslendingar fara í leikhús eins og Bandaríkjamenn fara í bíó. Það er yndislegt og ég vona að yngri kynslóðir haldi þessu áfram. Vonandi munu fleiri Íslendingar sækja sýningar dansflokksins. Ég held að fæstir átti sig á því að hér á landi starfar dansflokkur á heimsmælikvarða, sem er þekktur og virtur úti í heimi. Það er fyndið en Íslenski dansflokkurinn er í raun frægari erlendis en hér heima.“ Sýningin Emotional samanstendur af tveimur dansverkum, Meadow og EMO1994 eftir Ole Martin Meland. Verk Brians verður frumsýnt í kvöld ásamt verkinu EMO1994 eftir Ole Martin Meland.
Mest lesið Kvaddi dramað og flutti fyrir ástina Lífið Maður þurfti ekki að vera skyggn Gagnrýni Kátir tískukarlar hjá Kölska Tíska og hönnun Ein lausn er að liggja hlið við hlið og fróa sér Lífið Verslunarhjón selja glæsivillu í 108 Lífið Selur slapp úr hvalskjafti Lífið „Það spurði þig enginn“ Lífið Eitt stærsta bílabíó landsins fer fram um helgina Lífið Okkar eigið Ísland: Skelltu sér í slímuga laug Lífið Gáfu dótturinni þrjú nöfn Lífið Fleiri fréttir Kvaddi dramað og flutti fyrir ástina Selur slapp úr hvalskjafti Komo keppir á stærstu götubitakeppni í heimi Verslunarhjón selja glæsivillu í 108 Okkar eigið Ísland: Skelltu sér í slímuga laug Eitt stærsta bílabíó landsins fer fram um helgina „Það spurði þig enginn“ Mætt aftur til vinnu Ein lausn er að liggja hlið við hlið og fróa sér Fagurt einbýli í hjarta Vesturbæjar Ljúffengar vöfflur í nestisboxið Réði ekki við sig þegar hann hitti Lopez Ekki viss um að mamma hans hefði kosið hann Leyfir börnunum að sofa uppi í rúmi Smekklegasta fólk landsins skálaði í kaffi Skelltu sér úr háloftunum niður í Hörpu Klippt út af myndinni Ein litríkasta íbúð landsins til sölu Gæsun Maríu Thelmu tók óvænta U-beygju Gáfu dótturinni þrjú nöfn Stjörnulífið: Brúðkaupsafmæli á hlaupum og lokatónleikar Laufeyjar Var Díana prinsessa myrt? Ráðgjafi Bandaríkjaforseta í Hörpu Fyrsta starfið að fara út með hund Madonnu Tito Jackson er látinn „Hefur þú heyrt söguna af því þegar þú komst í heiminn?“ Ratleikur sem endaði með óvæntu brúðkaupi Ljósmyndaþáttur Ragnars Axelssonar: „Fjöllin hafa vakað lengur en í þúsund ár“ Sex heilnæm heilsuráð inn í haustið Krakkatía vikunnar: Litir, ljón og sjón Sjá meira