Innlent

Lokunum við Dettifoss aflétt

Sunna Kristín Hilmarsdóttir skrifar
Frá Dettifossi.
Frá Dettifossi. Vísir/Vilhelm
Lögreglustjórinn á Norðurlandi Eystra hefur ákveðið að aflétta lokunum í Jökulsárgljúfrum, norðan þjóðvegar 1.

Er þetta gert í ljósi þess að eldgosinu í Holuhrauni er lokið og dregið hefur úr jarðhræringum í Bárðarbungu.

Almannavarnir hvetja þó fólk til að fara um með gát og dvelja ekki lengi niðri í gljúfrunum sjálfum. Þá er brýnt fyrir fólki að vera í fjarskiptasambandi.

Áfram er í gildi lokun í kringum Holuhraun og verður ákvörðun um framhaldið tekið í byrjun næstu viku. 


Tengdar fréttir

Goslok ekki endilega góðar fréttir

Eldstöðin í Holuhrauni hefur skilað 40% af því hrauni sem frá íslenskum eldfjöllum kemur að jafnaði á hverjum 100 árum. Mjög dregur úr krafti eldgossins, sem Ármann Höskuldsson eldfjallafræðingur segir ekkert endilega góðar fréttir, heldur frekar ávísun á

Eldgosinu í Holuhrauni er lokið

Vísindamannaráð almannavarna fundaði í morgun vegna umbrotanna í Bárðarbungu og var niðurstaða fundarins að eldgosinu, sem hófst 31. ágúst 2014 í Holuhrauni væri lokið.




Fleiri fréttir

Sjá meira


×