MIĐVIKUDAGUR 28. SEPTEMBER NÝJAST 06:00

Hlakka til ađ mćta á ćfingar

SPORT

Lögregla stöđvađi unglingapartý í Mosfellsbć

 
Innlent
10:31 09. JANÚAR 2016
Lögregla handtók ölvađan og blóđugan mann á veitingahúsi í miđborg Reykjavíkur síđdegis í gćr eftir ađ hann neitađi ađ fara út.
Lögregla handtók ölvađan og blóđugan mann á veitingahúsi í miđborg Reykjavíkur síđdegis í gćr eftir ađ hann neitađi ađ fara út. VÍSIR/GVA

Lögreglan á höfuðborgarsvæðinu hafði afskipti af unglingapartýi í Mosfellsbæ um miðnætti þar sem tuttugu ungmennum vísað út en húsráðandinn 15 ára svaf ölvunarsvefni. Foreldrum var tilkynnt um málið.

Lögregla handtók ölvaðan og blóðugan mann á veitingahúsi í miðborg Reykjavíkur síðdegis í gær eftir að hann neitaði að fara út. Hann var vistaður í fangageymslu sökum ástands síns.

Tilkynnt var um menn við heimili í Fossvogi þar sem þeir voru að stela gaskútum frá grillum.  Lögreglu tókst ekki að hafa hendur í hári þeirra.

Skömmu fyrir miðnætti var ölvaður maður handtekinn í Kópavogi, en hann hafði ítrekað hringt í 112 og fleiri neyðarnúmer.  Maðurinn var ekki viðræðuhæfur og vistaður í fangageymslu.

Um hálf tvö í nótt var tilkynnt um líkamsárás á veitingahúsi í Breiðholti. Maður var þar sleginn í andlitið og rotaðist. „Sjúkralið og lögregla á vettvang en maðurinn sem var orðinn vel áttaður vildi enga aðstoð.  Gerandinn var farinn af vettvangi,“ segir í dagbók lögreglu.

Upp úr klukkan tvö var tilkynnt um rúðubrot á pizzastað í Breiðholti. „Er lögregla kom á vettvang voru tveir menn að yfirgefa vettvang í bifreið og sögðu vitni farþegann hafa brotið rúðuna.  Farþeginn var ölvaður og skorinn á hendi.  Lögreglumenn fóru með manninn á Slysadeild til aðhlynningar og var hann síðan vistaður sökum ástands í fangageymslu fyrir rannsókn máls. Ökumaðurinn var handtekinn  grunaður um ölvun við akstur og var hann laus að lokinni upplýsinga- og sýnatöku.“

Rétt fyrir klukkan þrjú í nótt var tilkynnt um yfirstandandi innbrot á heimili í Kópavogi. Dökkklædd manneskja var þá búin að brjóta rúðu og hafði farið inn. „Er lögregla kom á vettvang kom í ljós að húsráðandi (ung kona) hafði gleymt lyklum af íbúðinni og brotið sér leið inn. Konan var skorin á hendi og var henni ekið á Slysadeild til aðhlynningar,“ segir í dagbók lögreglunnar á höfuðborgarsvæðinu.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Lögregla stöđvađi unglingapartý í Mosfellsbć
Fara efst