FIMMTUDAGUR 30. JÚNÍ NÝJAST 00:01

Fremstu listamenn heims sýna á Djúpavogi

LÍFIĐ

Leki í röđum lögreglu: Lögreglumađurinn fćrđur í símhlustanir

 
Innlent
11:45 31. DESEMBER 2015
Yfirmenn lögreglunnar á höfuđborgarsvćđinu hafa ekki viljađ tjá sig um máliđ.
Yfirmenn lögreglunnar á höfuđborgarsvćđinu hafa ekki viljađ tjá sig um máliđ. VÍSIR/GVA

Lögreglumaður sem færður var til í starfi vegna þráláts orðróms og gruns um leka á upplýsingum var aftur færður í stöðu þar sem hann var í lykilstöðu til þess að hafa áhrif á meðal annars rannsóknir umfangsmikilla fíkniefnamála.

Heimildir fréttastofu herma að urgur sé í röðum lögreglu vegna ákvörðunarinnar um tilfærsluna í ljósi þess um hvað mál lögreglumannsins snýst, það sé óútskýranlegt.


Brotahópar geta haft mikinn hag af upplýsingum. Sem dćmi var virđi fíkniefnanna sem fundust í Norrćnu ţann 8. september síđastliđinn tćplega milljarđur  króna.
Brotahópar geta haft mikinn hag af upplýsingum. Sem dćmi var virđi fíkniefnanna sem fundust í Norrćnu ţann 8. september síđastliđinn tćplega milljarđur króna. VÍSIR/GVA

Lögreglumaðurinn var fyrst færður í deild ótengda fíkniefnarannsóknum en heimildir Vísis herma að hann hafi svo verið færður í deild sem annist símhlustanir fyrir öll lögreglulið í landinu.

Þannig hafi hann verið meðvitaður um hvaða aðila lögregla hleraði á hverjum tíma fyrir sig - aðgerðir sem eru afar leynilegar og eiga augljóslega mikið undir því að þeir aðilar sem til rannsóknar eru séu ekki meðvitaðir um að verið sé að hlusta á þá.

Brotahópar eða aðilar sem til rannsóknar eru geta haft mikinn hag af því að vera upplýstir um aðgerðir lögreglu, hvort sem aðgerðirnar beinast gegn þeim sjálfum eða samkeppnisaðilum þeirra. Hvatinn getur verið ýmis, en líklega mestur að komast upp með skipulögð brot.


Aldís Hilmarsdóttir og Friđrik Smári Björgvinsson voru yfirmenn mannsins ţegar hann gegndi yfirmannsstöđu í báđum deildum.
Aldís Hilmarsdóttir og Friđrik Smári Björgvinsson voru yfirmenn mannsins ţegar hann gegndi yfirmannsstöđu í báđum deildum. VÍSIR

Engin formleg rannsókn
Vísir hefur (eins og sjá má í tengdum fréttum hér að neðan) fjallað ítrekað um mál lögreglumannsins sem var í þeirri einstöku stöðu að gegna bæði yfirmannsstöðu hjá fíkniefnadeild og upplýsingadeild hjá lögreglunni á höfuðborgarsvæðinu í lengri tíma.

Hann var færður úr því starfi og í aðra ótengda deild hjá lögreglunni eftir að grunur vaknaði um að hann læki viðkvæmum upplýsingum til manna sem væru til rannsóknar hjá lögreglu. Eftir nokkurn tíma var hann, þrátt fyrir háværan orðróm um leka, færður í fyrrnefnda deild sem sér um símahlustanir.

Engin óháð rannsókn var sett í gang á störfum lögreglumannsins þegar ákveðið var að víkja honum frá störfum sínum um mitt ár og færa í deild óháða fíkniefnarannsóknum eftir því sem fréttastofa kemst næst. Svar Ríkissaksóknara við fyrirspurnum Vísis er á þá leið að embættið geti ekki tjáð sig um málið.


Kim Kliver, yfirlögregluţjónn hjá dönsku lögreglunni.
Kim Kliver, yfirlögregluţjónn hjá dönsku lögreglunni. SKJÁSKOT AF VEF TV2LORRY.DK

Vinnubrögð yfirmanna gagnrýnisverð
Aldís Hilmarsdóttir og Friðrik Smári Björgvinsson, sem voru bæði yfirmenn mannsins, hafa neitað að tjá sig um málið og vísað á Sigríði Björk Guðjónsdóttur lögreglustjóra. Hún hefur sömuleiðis til þessa ekkert viljað tjá sig um málið og vísað til þess að málefni einstakra starfsmanna verði ekki rædd í fjölmiðlum.

Kim Kliver, danskur yfirlögregluþjónn sem Vísir leitaði til, segir hins vegar að afar óeðlilegt sé að sami aðili gegni yfirmannsstöðu í fíkniefnadeild og upplýsingadeild. Það fyrirkomulag þekkist ekki á hinum Norðurlöndunum og fyrir því sé góð og gild ástæða.

Af svörum hans má ráða að það sé gagnrýnisvert að lögreglumaðurinn gegndi yfirmannshlutverki í báðum deildum.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Leki í röđum lögreglu: Lögreglumađurinn fćrđur í símhlustanir
Fara efst