Umfjöllun og viðtöl: ÍBV - Haukar 40-23 | Eyjamenn slátruðu Haukum Gabríel Sighvatsson í Vestmannaeyjum skrifar 23. mars 2017 21:00 Kári Kristján og félagar voru í stuði í kvöld. vísir/anton ÍBV hafði hreint ótrúlega yfirburði í toppslagnum gegn Haukum í kvöld og hreinlega niðurlægði Haukana er þeir tóku af þeim toppsætið í Olís-deildinni. Fyrir leikinn ríkti mikil spenna en sigurvegarinn úr þessum leik átti eftir að hreppa fyrst sætið sem sigurlaun. Tæpt var að Haukar myndu komast til Eyja vegna erfiðleika í samgöngum en þeir höfðu það þó og mætti halda að ferðalagið hafi slegið þá eitthvað út af laginu, því þeir voru eingöngu mættir til slátrunar. Þetta byrjaði með látum þegar leikmenn heimamanna gengu inn á völlinn í ljósaflóði, á nýjum dúk sem var lagður á völlinn fyrir síðasta leik liðsins. Það sá þó enginn fyrir því sem átti eftir að gerast í leiknum sjálfum. Eyjaliðið tók meistaralið Hauka og niðurlægði þá hreinlega. Á köflum mátti bara sjá eitt lið á vellinum og andleysi Hauka var algert. Þegar korter var liðið af leiknum mátti þegar sjá yfirburði ÍBV. Þá var staðan 9-4 og Stephen Nielsen, sem átti mögulega besta leik sinn á ferlinum, var þá búinn að verja 10 bolta. Eyjamenn litu aldrei til baka eftir það. Í seinni hálfleik settu þeir í fluggír og viðureignin var í raun úti löngu áður en flautað var til leiksloka. Það ætlaði allt að verða vitlaust á 58. mínútu leiksins en þá skoraði Ágúst Emil Grétarsson mark nr. 40 fyrir ÍBV í þessum leik! Þá voru þeir með næstum tvöfalt fleiri mörk en Haukar, svo miklir voru yfirburðirnir. Báðir markmenn ÍBV voru stórkostlegir í leiknum. Stephen Nielsen varði í heild 26 bolta og var með 60 prósent vörslu! Hann spilaði ekki einu sinni allan leikinn en hefði hann spilað lengur hefði hann án efa farið upp í 30 bolta. Kolbeinn Aron tók við keflinu þegar um korter lifði leiks og afrekaði það að vera með 57% vörslu. Theodór Sigurbjörnsson bætti við markaskorun sína og setti 13 mörk í kvöld. Allir leikmenn ÍBV áttu frábæran leik, þar sem öflugur varnarleikur var lykillinn að sigrinum. Haukar þurfa því að skilja toppsætið eftir í Eyjum og fara heim með risatap á bakinu.Gunnar: Leikmenn þola ekki mótlæti Gunnar Magnússon, þjálfari Hauka, sagðist vera miður sín eftir leik kvöldsins. „Við urðum okkur bara til skammar í kvöld, það verður bara að segjast alveg eins og er. Við lendum í mótlæti í byrjun, við sköpum okkur fullt af færum sem Stephen (Nielsen) er að taka og við þetta brotnum við og bökkum undan. Það var vandræðalegt að horfa á þetta á köflum,“ segir Gunnar. „Það var erfitt að horfa á menn skjóta yfir eða framhjá auðu marki 5-6 sinnum og 10 færi hjá hornamönnum okkar, það var mjög erfitt. Það er engin afsökun hjá okkur, svona frammistaða er bara ekki boðleg.“ En var einhver pressa á þeirra mönnum vitandi að toppsætið væri í húfi? „Við vissum alltaf að við eigum eftir að spila við þrjú efstu liðin í deildinni og mótið er allt eftir hjá okkur og við vorum ekkert endilega bara að hugsa um það. Við vildum bara „match-a“ okkur við ÍBV fyrir úrslitakeppnina, sjá hvar við stöndum og sáum að það var mikill munur á liðunum og það er áhyggjuefni.“ sagði Gunnar. „Það lið sem verður Íslandsmeistari, það er að fara að keppa á móti ÍBV, þeir eru að spila vel og eru í toppstandi,“ Gunnar var virkilega ósáttur við karakterleysi sinna manna í kvöld en þeir voru aldrei líklegir til þess að komast aftur inn í leikinn. „Leikmenn urðu sjálfum sér mest fyrir vonbrigðum. Aðalmálið er að þeir þola ekki mótlæti. Í fyrra komum við hingað tvisvar í úrslitakeppninni og unnum í bæði skiptin, en núna við fyrsta mótlæti pökkuðu menn saman og bökkuðu út úr þessu. Það var svolítið karkaterleysi líka að koma ekki til baka þegar á móti blæs.“ „Við þurfum að læra af þessu og það er ljóst að við þurfum að vinna vel og nýta tímann vel fram að úrslitakeppninni. Þetta er bara ekki boðlegt eins og þetta var í dag.“ sagði Gunnar að lokum.Arnar: Einstakt hvernig við höfum þetta í Eyjum Arnar Pétursson, þjálfari ÍBV. var hæstánægður með úrslit kvöldsins. „Ég get ekki verið neitt annað, við spiluðum virkilega vel í 60 mínútur. Við höldum áfram að taka tröppurnar í okkar leik eins og við höfum lengi stefnt að,“ sagði Arnar. „Við vorum bara mjög góðir í dag og að sama skapi áttu Haukar alls ekki sinn besta leik og í raun ábyggilega þeirra versta frammistaða í vetur. Ég þekki mína menn vel í Haukum og veit að þetta virkar sem olía á þá, þeir rífa sig upp úr þessu og koma gríðarlega sterkir til baka.“ Stephen Nielsen átti magnaðan leik og var með 26 varða bolta í enda dagsins. „Stephen er góður markmaður og vörnin var hrikalega góð í dag, þetta helst allt í hendur. En það er enginn spurning að Stephen er virkilega góður markmaður.“ Stemningin var sömuleiðis ótrúleg og telur Arnar þetta vera einsdæmi. „Þetta er einstakt hvernig við höfum þetta í Eyjum, strákarnir og við allir sem störfum í kringum þetta höfðum ótrúlega gaman að þessu og lifum í raun og veru fyrir það.“ „Það er hellingur eftir, menn eru ennþá að bæta sig og hugsa um úrslitakeppnina. Við eigum tröppur eftir þó við höfum vissulega verið góðir í dag og það skiptir miklu máli að koma til baka eftir svona leik. Þetta var á margan hátt nánast gallalaus frammistaða og við þurfum að sýna úr hverju við erum gerðir og halda áfram að bæta okkur, annars verður ekki þessi gleði áfram,“ sagði Arnar. Að lokum var Kári Kristján Kristjánsson kominn á miðjuna og Agnar Smári Jónsson búinn að taka hans stöðu sem kom svolítið skringilega fyrir sjónir. „Það var algjört bull, Kári Kristján átti ekkert að vera á miðjunni en honum finnst þetta æðislega gaman. Hann hefði helst viljað vera leisktjórnandi í ameríska fótboltanum, hann stýrir þessu algjörlega sjálfur, ég tók ekki þessa ákvörðun.“ Olís-deild karla Mest lesið Sara hrundi niður listann eftir leiðréttingar Sport Davíð Tómasi bárust ljót skilaboð eftir leik: „Fokking mongolitið þitt“ Körfubolti Rashford: Nú er nóg komið Enski boltinn „Krakkarnir í stúkunni eru byrjaðir að taka upp á þessu líka“ Körfubolti Virk sprengja úr seinni heimsstyrjöldinni undir leikvangi Mainz Fótbolti Uppgjörið: Haukar 28-25 Fram | Aftur unnu Haukakonur eftir framlengingu Handbolti Sjáðu og heyrðu sjónvarpslýsanda sturlast yfir Brynjólfi Fótbolti Leikmaður Newcastle tók meirapróf Enski boltinn Liverpool nær samkomulagi um Slot Enski boltinn Littler stríddi stuðningsmönnum Liverpool Sport Fleiri fréttir „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Sjá meira
ÍBV hafði hreint ótrúlega yfirburði í toppslagnum gegn Haukum í kvöld og hreinlega niðurlægði Haukana er þeir tóku af þeim toppsætið í Olís-deildinni. Fyrir leikinn ríkti mikil spenna en sigurvegarinn úr þessum leik átti eftir að hreppa fyrst sætið sem sigurlaun. Tæpt var að Haukar myndu komast til Eyja vegna erfiðleika í samgöngum en þeir höfðu það þó og mætti halda að ferðalagið hafi slegið þá eitthvað út af laginu, því þeir voru eingöngu mættir til slátrunar. Þetta byrjaði með látum þegar leikmenn heimamanna gengu inn á völlinn í ljósaflóði, á nýjum dúk sem var lagður á völlinn fyrir síðasta leik liðsins. Það sá þó enginn fyrir því sem átti eftir að gerast í leiknum sjálfum. Eyjaliðið tók meistaralið Hauka og niðurlægði þá hreinlega. Á köflum mátti bara sjá eitt lið á vellinum og andleysi Hauka var algert. Þegar korter var liðið af leiknum mátti þegar sjá yfirburði ÍBV. Þá var staðan 9-4 og Stephen Nielsen, sem átti mögulega besta leik sinn á ferlinum, var þá búinn að verja 10 bolta. Eyjamenn litu aldrei til baka eftir það. Í seinni hálfleik settu þeir í fluggír og viðureignin var í raun úti löngu áður en flautað var til leiksloka. Það ætlaði allt að verða vitlaust á 58. mínútu leiksins en þá skoraði Ágúst Emil Grétarsson mark nr. 40 fyrir ÍBV í þessum leik! Þá voru þeir með næstum tvöfalt fleiri mörk en Haukar, svo miklir voru yfirburðirnir. Báðir markmenn ÍBV voru stórkostlegir í leiknum. Stephen Nielsen varði í heild 26 bolta og var með 60 prósent vörslu! Hann spilaði ekki einu sinni allan leikinn en hefði hann spilað lengur hefði hann án efa farið upp í 30 bolta. Kolbeinn Aron tók við keflinu þegar um korter lifði leiks og afrekaði það að vera með 57% vörslu. Theodór Sigurbjörnsson bætti við markaskorun sína og setti 13 mörk í kvöld. Allir leikmenn ÍBV áttu frábæran leik, þar sem öflugur varnarleikur var lykillinn að sigrinum. Haukar þurfa því að skilja toppsætið eftir í Eyjum og fara heim með risatap á bakinu.Gunnar: Leikmenn þola ekki mótlæti Gunnar Magnússon, þjálfari Hauka, sagðist vera miður sín eftir leik kvöldsins. „Við urðum okkur bara til skammar í kvöld, það verður bara að segjast alveg eins og er. Við lendum í mótlæti í byrjun, við sköpum okkur fullt af færum sem Stephen (Nielsen) er að taka og við þetta brotnum við og bökkum undan. Það var vandræðalegt að horfa á þetta á köflum,“ segir Gunnar. „Það var erfitt að horfa á menn skjóta yfir eða framhjá auðu marki 5-6 sinnum og 10 færi hjá hornamönnum okkar, það var mjög erfitt. Það er engin afsökun hjá okkur, svona frammistaða er bara ekki boðleg.“ En var einhver pressa á þeirra mönnum vitandi að toppsætið væri í húfi? „Við vissum alltaf að við eigum eftir að spila við þrjú efstu liðin í deildinni og mótið er allt eftir hjá okkur og við vorum ekkert endilega bara að hugsa um það. Við vildum bara „match-a“ okkur við ÍBV fyrir úrslitakeppnina, sjá hvar við stöndum og sáum að það var mikill munur á liðunum og það er áhyggjuefni.“ sagði Gunnar. „Það lið sem verður Íslandsmeistari, það er að fara að keppa á móti ÍBV, þeir eru að spila vel og eru í toppstandi,“ Gunnar var virkilega ósáttur við karakterleysi sinna manna í kvöld en þeir voru aldrei líklegir til þess að komast aftur inn í leikinn. „Leikmenn urðu sjálfum sér mest fyrir vonbrigðum. Aðalmálið er að þeir þola ekki mótlæti. Í fyrra komum við hingað tvisvar í úrslitakeppninni og unnum í bæði skiptin, en núna við fyrsta mótlæti pökkuðu menn saman og bökkuðu út úr þessu. Það var svolítið karkaterleysi líka að koma ekki til baka þegar á móti blæs.“ „Við þurfum að læra af þessu og það er ljóst að við þurfum að vinna vel og nýta tímann vel fram að úrslitakeppninni. Þetta er bara ekki boðlegt eins og þetta var í dag.“ sagði Gunnar að lokum.Arnar: Einstakt hvernig við höfum þetta í Eyjum Arnar Pétursson, þjálfari ÍBV. var hæstánægður með úrslit kvöldsins. „Ég get ekki verið neitt annað, við spiluðum virkilega vel í 60 mínútur. Við höldum áfram að taka tröppurnar í okkar leik eins og við höfum lengi stefnt að,“ sagði Arnar. „Við vorum bara mjög góðir í dag og að sama skapi áttu Haukar alls ekki sinn besta leik og í raun ábyggilega þeirra versta frammistaða í vetur. Ég þekki mína menn vel í Haukum og veit að þetta virkar sem olía á þá, þeir rífa sig upp úr þessu og koma gríðarlega sterkir til baka.“ Stephen Nielsen átti magnaðan leik og var með 26 varða bolta í enda dagsins. „Stephen er góður markmaður og vörnin var hrikalega góð í dag, þetta helst allt í hendur. En það er enginn spurning að Stephen er virkilega góður markmaður.“ Stemningin var sömuleiðis ótrúleg og telur Arnar þetta vera einsdæmi. „Þetta er einstakt hvernig við höfum þetta í Eyjum, strákarnir og við allir sem störfum í kringum þetta höfðum ótrúlega gaman að þessu og lifum í raun og veru fyrir það.“ „Það er hellingur eftir, menn eru ennþá að bæta sig og hugsa um úrslitakeppnina. Við eigum tröppur eftir þó við höfum vissulega verið góðir í dag og það skiptir miklu máli að koma til baka eftir svona leik. Þetta var á margan hátt nánast gallalaus frammistaða og við þurfum að sýna úr hverju við erum gerðir og halda áfram að bæta okkur, annars verður ekki þessi gleði áfram,“ sagði Arnar. Að lokum var Kári Kristján Kristjánsson kominn á miðjuna og Agnar Smári Jónsson búinn að taka hans stöðu sem kom svolítið skringilega fyrir sjónir. „Það var algjört bull, Kári Kristján átti ekkert að vera á miðjunni en honum finnst þetta æðislega gaman. Hann hefði helst viljað vera leisktjórnandi í ameríska fótboltanum, hann stýrir þessu algjörlega sjálfur, ég tók ekki þessa ákvörðun.“
Olís-deild karla Mest lesið Sara hrundi niður listann eftir leiðréttingar Sport Davíð Tómasi bárust ljót skilaboð eftir leik: „Fokking mongolitið þitt“ Körfubolti Rashford: Nú er nóg komið Enski boltinn „Krakkarnir í stúkunni eru byrjaðir að taka upp á þessu líka“ Körfubolti Virk sprengja úr seinni heimsstyrjöldinni undir leikvangi Mainz Fótbolti Uppgjörið: Haukar 28-25 Fram | Aftur unnu Haukakonur eftir framlengingu Handbolti Sjáðu og heyrðu sjónvarpslýsanda sturlast yfir Brynjólfi Fótbolti Leikmaður Newcastle tók meirapróf Enski boltinn Liverpool nær samkomulagi um Slot Enski boltinn Littler stríddi stuðningsmönnum Liverpool Sport Fleiri fréttir „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Sjá meira