Innlent

Leggja fram tillögu um framboðslista Framsóknar á morgun

Stefán Árni Pálsson skrifar
Guðni Ágústsson hefur verið sterklega orðaður við oddvitasætið.
Guðni Ágústsson hefur verið sterklega orðaður við oddvitasætið. visir/vilhelm
Framsóknarflokkurinn í Reykjavík hefur boðað er til aukakjördæmaþings á morgun fimmtudaginn 24. apríl að Suðurlandsbraut 24 og hefst þingið kl. 11.00.

Til að byrja með mun Þór Ingþórsson halda ræðu sem formaður Kjördæmasambands Framsóknarflokksins í Reykjavík og því næst mun stjórn KFR leggja fram tillögu um framboðslista Framsóknar í Reykjavík.

Verði listinn samþykktur mun nýr oddviti Framsóknar í Reykjavík halda ræðu.

Atkvæðisrétt hafa þeir fulltrúar er valdir voru á kjördæmaþing KFR í október.

Eins og Vísir hefur greint frá hefur KFR beðið Guðna Ágútsson, fyrrverandi ráðherra, að taka að sér að leiða lista Framsóknar fyrir komandi borgarstjórnarkosningar.

Framsóknarflokkurinn er oddvitalaus í borginni eftir að Óskar Bergsson tilkynnti afsögn sína nýlega.




Fleiri fréttir

Sjá meira


×