FÖSTUDAGUR 26. ÁGÚST NÝJAST 00:01

Guđni Th. velti fyrir sér vítamínkaupum í Krónunni

LÍFIĐ

Lárus og Magnús Arnar ákćrđir sem ađalmenn

 
Viđskipti innlent
17:26 13. DESEMBER 2012
Lárus Welding
Lárus Welding
Magnús Halldórsson skrifar

Sérstakur saksóknari hefur gefið út ákæru á hendur fjórum mönnum í Aurum-málinu svokallaða, þeim Jóni Ásgeiri Jóhannessyni, fyrrverandi forstjóra Baugs, Lárusi Welding, fyrrverandi forstjóra Glitnis, og fyrrverandi starfsmönnum Glitnis, þeim Magnúsi Arnari Arngrímssyni og Bjarna Jóhannessyni. Þeir eru ákærðir fyrir umboðssvik í tengslum við sex milljarða lánveitingu Glitnis í maí 2008.

Magnús Arnar og Lárus eru ákærðir sem aðalmenn, og Jón Ásgeir og Bjarni sem hlutdeildarmenn í meintum umboðssvikum.

Málið snýst um lán Glitnis til félagsins FS38 upp á sex milljarða króna í maí 2008. Það félag keypti hlut Fons í skartgripafélaginu Aurum Holding, og fjórir milljarðar fóru í að greiða skuldir Fons. Einn milljarður fór svo til Pálmar Haraldssonar, eiganda Fons, og einn milljarður til Jóns Ásgeirs Jóhannessonar. Pálmi er ekki meðal ákærðu í málinu, eins og fyrr segir.

Lárus var einnig meðal ákærðu í Vafningsmálinu svokallaða, en aðalmeðferð í því máli lauk á mánudaginn, og verður dómur kveðinn upp í því máli 28. desember næstkomandi í Héraðsdómi Reykjavíkur.

Hámarksrefsing fyrir umboðssvik samkvæmt lögum, ef sakir eru miklar, er sex ára fangelsi en málið verður þingfest í héraði. Þyngsti dómur sem fallið hefur hér á landi í umboðssvikamáli féll í sumar, þegar Ragnar Z. Guðjónsson, fyrrverandi forstjóri Byrs sparisjóðs, og Jón Þorsteinn Jónsson, fyrrverandi stjórnarformaður sjóðsins, voru dæmdir í fjögurra og hálfs árs fangelsi í Hæstarétti, í hinu svokallaða Exeter-máli.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Viđskipti / Viđskipti innlent / Lárus og Magnús Arnar ákćrđir sem ađalmenn
Fara efst