Landsmenn óðir í Bó

Mikið var um að vera í gærmorgun þegar að það var orðið uppselt á jólatónleikana, Jólagestir Björgvins aðeins fimm mínútum eftir að miðasala hófst. Jólagestir Björgvins hafa verið einir vinsælustu jólatónleikar þjóðarinnar í átta ár en að þessu sinni hafa öll met verið slegin.

Bætt hefur verið við aukatónleikum, sem þegar eru komnir í sölu en þeir fara fram sama dag, laugardaginn 13. desember, klukkan 16.00.

Á meðal þeirra söngvara sem koma fram með Björgvini í ár eru Jóhanna Guðrún Jónsdóttir, Eyþór Ingi Gunnlaugsson, Jón Jónsson og Ragga Gröndal, ásamt fjölda fleiri listamanna.