Lagerfeld: Sólgleraugun eins og búrka

Eitt helsta einkennismerki þýska fatahönnuðarins Karls Lagerfeld eru svört sólgleraugu. Sjálfur líkir hann þeim við búrku sem er trúarlegur klæðnaður múslímskra kvenna. „Þau eru búrkan mína. Búrka fyrir karlmenn.“

Lagerfeld er nærsýnn og í samtali við tímaritið Vice segir hann að þeir sem eru nærsýnir líti alltaf út eins og litlir sætir hundar þegar þeir taki niður gleraugu. Hann vilji ekki líta þannig út.

Fatahönnuðurinn tekur að eigin sögn sólgleraugun svo gott sem aldrei niður. Það skipti ekki máli við hvern hann sé að tala. Hann segir að sumir móðgist við þetta og segi að hann sé ókurteis. Sjálfum þykir Lagerfeld það fáránlegt viðhorf.