Lagerbäck fær ekki sæti meðal bestu þjálfara heims 2014

Lars Lagerbäck, þjálfari íslenska landsliðsins í fótbolta, er ekki meðal þeirra tíu þjálfara sem eru tilnefndir sem bestu þjálfarar heims fyrir árið 2014 þrátt fyrir að hafa gert frábæra hluti með "Strákana okkar" í ár.

Lagerbäck er ekki á listanum en þar eru hinsvegar Jürgen Klinsmann, þjálfari þýska landsliðsins og sá sem fékk Aron Jóhannsson til að spila fyrir bandaríska landsliðið frekar en það íslenska. Bandaríska landsliðið komst í sextán liða úrslitin á HM í Brasilíu síðasta sumar.

Lagerbäck hefur náð frábærum árangri með íslenska landsliðið á árinu en undir hans stjórn og Heimis Hallgrímssonar hefur liðið hækkað sig um 21 sæti á FIFA-listanum á árinu 2014 og unnið þrjá fyrstu leiki sína í undankeppni EM 2016.

Ísland hefur aldrei byrjað svona vel í undankeppni og aldrei verið ofar á FIFA-listanum þar sem íslenska landsliðið situr nú í 28. sæti.

FIFA og franska blaðið France Football standa að valinu eins og fyrr en það verða síðan fyrirliðar og landsliðsþjálfarar aðildaþjóða FIFA sem kjósa um þá bestu ásamt sérútvöldum blaðamönnum frá öllum heiminum. Verðlaunaafhending fer síðan fram í janúar á næsta ári.

Tíu bestu þjálfarar heims 2014:

Carlo Ancelotti (Ítalía/Real Madrid)

Antonio Conte (Ítalía/Juventus/Ítalska landsliðið)

Pep Guardiola (Spánn/Bayern München)

Jürgen Klinsmann (Þýskaland/Bandaríska landsliðið)

Joachim Löw (Germany/Þýska landsliðið)

Jose Mourinho (Portúgal/Chelsea)

Manuel Pellegrini (Síle/Manchester City)

Alejandro Sabella (Argentína/Argentínska landsliðið)

Diego Simeone (Argentína/Atletico Madrid)

Louis van Gaal (Holland/Hollenska landsliðið/Manchester United)