Krefjast þess að ráðherrar standi við orð sín

Bent er á að við umræður á Alþngi þann 12. nóvemberum þá ákvörðun stjórnar Landsvirkjunar að ganga ekki til samningaviðræðna að sinni við fyrirtæki sem hyggja á byggingu nýrra álvera á Suður- og Vesturlandi hafi forsætisráðherra lýst því yfir að ... vissulega þýðir þetta að óbreyttu að ekki verður reist álver í Þorlákshöfn eða nýtt álver á Suðvesturlandi."

Þá er bent á að Björgvin Sigurðsson viðskiptaráðherra hafi sagt að „ekki verða teknar ákvarðanir um nýjar álverksmiðjur á suður- og suðvesturhluta landsins. ... Ekki verða fleiri ný álver á þessum hluta landsins á næstu árum og missirum, það liggur ljóst fyrir eftir þessa ákvörðun."

Segja Náttúruverndarsamtök Íslands að ráðherrarnir hafi gleymt þessum yfirlýsingum sínum. Á hinn bóginn hafi talsmenn Samfylkingarinnar kosið að tjá sig ekki um fyrirhugað álver í Helguvík þrátt fyrir að ráðamenn fyrirtækisins hyggist hefja framkvæmdir án starfsleyfis, án tilskilinna leyfa til losunar gróðurhúsalofttegunda og án þess að úrskurður umhverfisráðherra um heildstættt mat virkjunar- orkuflutninga og álversframkvæmda liggi fyrir. Að sama skapi liggi enn ekki fyrir loftslagsstefna ríkisstjórnar Íslands.

„Samfylkingin boðaði nýja umhverfisstefnu fyrir kosningar s.l. vor og kynnti áform um stóriðjustopp þar til fram hefði farið Rammaáætlun um náttúruvernd og sættir náðst um frekari virkjanauppbyggingu. Iðnaðarráðherra, Össur Skarphéðinsson, gengisfelldi þessa stefnu strax eftir kosningar með því að hafna því að afturkalla rannsóknarleyfi í Gjástykki sem forveri hans, Jón Sigurðsson, veitti einungis tveimur dögum fyrir kosningar án logboðinnar aðkomu umhverfisráðuneytisins. Vitaskuld þvert á kosningaloforð síns flokks. Þar með tók Össur ábyrgð á spillilngu Framsóknarflokksins" segja Náttúruverndarsamtökin.

Þau krefjast þess að ráðherrar og þingmenn Samfylkingarinnar standi við orð sín og veiti þjóðinni andrúm til að meta náttúruverndargildi þeirra svæða sem orkufyrirtækin sækist eftir að eyðileggja. Jafnframt beri forsætisráðherra skylda til að standa við þau orð sem hann flytji þingi og þjóð.