Koeman tekur við Everton

Everton fann sér nýjan knattspyrnustjóra í dag er liðið samdi við Hollendinginn Ronald Koeman til þriggja ára.

Koeman var enn samningsbundinn Southampton og Everton greiðir félaginu 880 milljónir króna í skaðabætur.

Everton rak Roberto Martinez eftir leiktíðina og um mánuði síðar eru þeir búnir að finna sinn mann.

Hermt er að Koeman verði með milljarð króna í árslaun hjá félaginu.

Hann stýrði Southampton í tvö ár og skilaði þeim í sjötta og sjöunda sætið í ensku úrvalsdeildinni.