SUNNUDAGUR 29. MAÍ NÝJAST 06:00

Heldur Valur áfram ađ gera KR lífiđ leitt í Frostaskjóli?

SPORT

Katrín og Bellurnar höfđu ekki heppnina međ sér

 
Enski boltinn
16:45 29. FEBRÚAR 2016
Katrín Ómarsdóttir.
Katrín Ómarsdóttir. VÍSIR/GETTY

Íslenska landsliðskonan Katrín Ómarsdóttir og félagar hennar í ensku úrvalsdeildarliðinu Doncaster Rovers Belles höfðu ekki heppnina með sér þegar dregið var í ensku bikarkeppninni í dag.

Doncaster Rovers Belles mætir ensku meisturunum í Chelsea í sextán liða úrslitum keppninnar.

Katrín er að hefja sitt fyrsta tímabil með Doncaster Rovers Belles en hún kom þangað frá Liverpool þar sem hún spilaði í þrjú tímabil á undan.

Chelsea vann tvöfalt á síðasta tímabili og endaði meðal annars tveggja sigurgöngu Katrínu og félaga í Liverpool í ensku úrvalsdeildinni.

Chelsea tryggði sér bikarinn með því að vinna 1-0 sigur á Notts County en það var fyrsti úrslitaleikur kvenna sem fór fram á Wembley-leikvanginum í London.

Gömlu liðsfélagar hennar Katrínar í Liverpool drógust á móti Manchetser City í sextán liða úrslitunum.

Bikarleikur Doncaster Rovers Belles og Chelsea fer fram 20. mars næstkomandi eða aðeins fjórum dögum áður en keppni í ensku úrvalsdeildinni hefst. Í fyrstu umferðinni tekur lið Doncaster Rovers Belles einmitt á móti Chelsea Ladies á heimavelli sínum.

Katrín Ómarsdóttir er nú stödd í Portúgal með íslenska kvennalandsliðinu í fótbolta sem hefur keppni í Algarve-bikarnum á miðvikudaginn. Katrín er að koma aftur inn í liðið eftir smá fjarveru.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Enski boltinn / Katrín og Bellurnar höfđu ekki heppnina međ sér
Fara efst