Innlent

Jón Ásgeir játar sig sigraðan: „Þeir unnu“

Jón Ásgeir Jóhannesso hefur játað sig sigraðan.
Jón Ásgeir Jóhannesso hefur játað sig sigraðan.

 

„Þetta er það sem kallast vinstri krókur í hnefaleikum," segir Jón Ásgeir Jóhannesson í viðtali við fréttastofuna Bloomberg. Hann segist einnig ekki ætla að taka til varna, það kosti hann yfir 300 milljónir króna.

„Það er ómögulegt að verjast í þessu máli," segir Jón Ásgeir sem virðist hafa játað sig sigraðan í viðtalinu.

Hann segir að hann geti lítið gert í ljósi þess að eignir hans hafi verið kyrrsettar en beiðnin nær til allra staða í heiminum og var kveðinn upp í Bretlandi.

Hann segir einnig í viðtalinu að um pólitíska aðför sé að ræða og kennir enn Davíð Oddssyni um ófarir sínar.

„Þeir unnu," segir Jón Ásgeir að lokum en hann neitaði að gefa upp hvar hann væri í viðtali við Bloomberg en slitastjórn Glitnis hefur reynt að birta honum stefnuna en ekki tekist þar sem þau finna ekkert heimilisfang á Jón.

Þess má geta að fréttastofa Vísis og Stöðvar 2 hefur ekki náð í Jón þrátt fyrir ítrekaðar tilraunir.

 

Hér má lesa viðtalið í heild sinni.


Tengdar fréttir

Glitnir hélt upplýsingum leyndum fyrir FME

Stjórn Glitnis hélt mikilvægum upplýsingum leyndum fyrir Fjármálaeftirlitinu (FME) árið 2007. Um er að ræða upplýsingar um lánveitingar bankans til Jóns Ásgeirs Jóhannessonar og tengdra aðila. Þessi lán voru langt umfram lög og reglur um hve hátt hlutfall þessi lán máttu vera sem hlutfall af eigin fé Glitnis.

Pálmi Haralds: Vanþekking slitastjórnar Glitnis með ólíkindum

„Málssókn þessi er tilhæfulaus með öllu og gerð í þeim augljósa tilgangi að setja stefndu í þá stöðu að geta ekki varið sig," segir athafnamaðurinn Pálmi Haraldsson í yfirlýsingu vegna ákvörðunar slitastjórnar Glitnis að höfða mál á hendur honum og fleiri aðilum fyrir dómstól í Bandaríkjunum. Pálmi segir að málssóknin gegn sér sé augljóslega byggð á misskilningi og vanþekkingu slitastjórnarinnar á því hverjir sátu í stjórn Glitnis. Sú staðreynd eins og sér sé með ólíkindum.

Bandarískir fjárfestar blekktir með sviksamlegum hætti

„Til að fjármagna þessar greiðslur út úr bankanum hafi stefndu mjög stuðst við það fé sem Glitnir aflaði í Bandaríkjunum á árinu 2007, sér í lagi með sölu á skuldabréfum fyrir einn milljarð dala til fjárfesta í New York og víðar í Bandaríkjunum í september það ár. Þegar sú sala stóð yfir voru bandarískir fjárfestar blekktir með sviksamlegum hætti varðandi þá miklu áhættu sem Glitnir hafði tekið gagnvart Jóni Ásgeiri ásamt fyrirtækjum og einstaklingum í tengslum við hann."

Kaupin á TM voru glórulaus fyrir Glitni

Í stefnu slitastjórnar Glitnis fyrir dómstóli í New York er fjallað um leikfléttuna í kringum kaupin á Tryggingamiðstöðinni (TM) en þau kaup eru sögð hafa verið glórulaus fyrir Glitni. Á endanum tapaði bankinn tæplega 26 milljörðum kr. á þessum kaupum.

Afglöp og vítaverð vanræksla endurskoðenda Glitnis

Slitastjórn Glitnis stefnir endurskoðunarfyrirtækinu PricewaterhouseCoopers fyrir afglöp í trúnaðarstarfi og vítaverða vanrækslu. Endurskoðendurnir eru sakaðir um að hafa gróflega rangfært áhættu Glitnis og stuðlað að sviksamlegri fjáröflun bankans í New York.

Formaður FLE: „Ef álitin eru röng þá hafa menn ekki staðið sig vel“

„Ég hef ekki náð að kynna mér þessi mál til þess að átta mig almennilega á því hver eðlileg viðbrögð eru,“ segir Þórir Ólafsson, formaður félags löggiltra endurskoðenda (FLE) spurður hvort stjórnin ætli að bregðast við því að framkvæmdarstjóri félagsins, Sigurður B. Arnþórsson, er sérstaklega nefndur í stefnu skilanefndar Glitnis gegn Jóni Ásgeiri Jóhannessyni og félögum.

Endurskoðendur Glitnis brutu gegn starfsskyldum sínum

PricewaterhouseCoopers (PwC) brutu gegn starfsskyldum sínum í störfum fyrir Glitni seinnihluta ársins 2007 að því er segir í stefnu þeirri sem slitastjórn Glitnis hefur lagt fram fyrir dómstóli í New York og birt er á vefsíðu slitastjórnarinnar.

Mest lesið


Fleiri fréttir

Sjá meira


×

Mest lesið