John hefði líka dáið

Söngvarinn Elton John segir að það hefði auðveldlega getað farið eins fyrir honum og Whitney Houston, sem lést í febrúar langt fyrir aldur fram. Það hefði gerst ef honum hefði ekki tekist að verða allsgáður árið 1990.

„Ég hefði auðveldlega getað lent í því sama og Whitney Houston. Það er kraftaverk vegna þess að ég er viss um að ég notaði alveg jafnmikið kókaín og hún,“ sagði söngvarinn. Hann á núna fjórtán mánaða son með manni sínum David Furnish og þakkar það vímuefnaleysinu.