FÖSTUDAGUR 26. ÁGÚST NÝJAST 00:01

Guđni Th. velti fyrir sér vítamínkaupum í Krónunni

LÍFIĐ

James tók metiđ af Kobe í stjörnuleiknum í nótt

 
Körfubolti
08:22 15. FEBRÚAR 2016
Ţađ var létt yfir mönnum í Toronto í nótt.
Ţađ var létt yfir mönnum í Toronto í nótt. VÍSIR/GETTY
Ingvi Ţór Sćmundsson skrifar

Kobe Bryant lék sinn 18. og síðasta stjörnuleik í nótt þegar lið Vesturdeildarinnar bar sigurorð af liði Austurdeildarinnar, 196-173, í Toronto.

Bryant, sem leggur skóna á hilluna eftir tímabilið, var með 10 stig í leiknum í nótt og skoraði því alls 290 stig í stjörnuleikjum á ferlinum.

Bryant átti metið yfir flest stig í stjörnuleikjum en LeBron James hirti það af honum með því að skora 13 stig í leiknum í nótt.

James er nú búinn að skora 291 stig í stjörnuleikjum, einu meira en Bryant. Þriðji á blaði er svo átrúnaðargoð Bryants, sjálfur Michael Jordan, en hann skoraði 262 stig í stjörnuleikjum á sínum tíma.

Kevin Durant, leikmaður Oklahoma City Thunder, nálgast efstu menn en hann er kominn upp í 13. sætið á stigalistanum í stjörnuleikjum.

Durant skoraði 23 stig í leiknum í nótt og hefur því gert 179 stig í stjörnuleikjum á ferlinum, jafn mörg og Boston-goðsögnin John Havlicek gerði á sínum tíma. Durant er bara 27 ára og ætti því að geta komist enn ofar á listann á næstu árum.

Þótt ungur sé á Durant þó metið yfir flest stig að meðaltali í leik í stjörnuleikjum, eða 25,6 stig.

Flest stig í stjörnuleikjum NBA:
1. LeBron James - 291
2. Kobe Bryant - 290
3. Michael Jordan - 262
4. Kareem Abdul-Jabbar - 251
5. Oscar Robertson - 246
6. Bob Pettit - 224
7. Julius Erving - 221
8. Elgin Baylor - 218
9. Shaquille O'Neal - 202
10. Wilt Chamberlain - 191


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Körfubolti / James tók metiđ af Kobe í stjörnuleiknum í nótt
Fara efst