Íslensk getspá leitar að milljónamæringi

Íslensk getspá leitar enn að vinningshafa í lottóinu frá því potturinn var áttfaldur laugardaginn 25. júní. Vinningurinn hljóðar upp á 54.823.710 krónur en vinningsmiðinn var keyptur í 10-11, Kleppsvegi við Langholtsveg og var 10 raða sjálfvalsmiði án Jókers þann 22. júní.

Í tilkynningu biður Íslensk getspá viðskiptavini sem áttu leið á þennan lottósölustað miðvikudaginn 22. júní um að skoða í veskin sín því þar gæti leynst fjársjóður í formi lottómiða.