Íslendingar í öđru sćti á lista Bloomberg yfir heilbrigđi ţjóđa

 
Innlent
21:38 20. MARS 2017
Ţessir íslensku sjómenn geta búist viđ ađ verđa 91 árs miđađ viđ heilsuvísitölu Bloomberg.
Ţessir íslensku sjómenn geta búist viđ ađ verđa 91 árs miđađ viđ heilsuvísitölu Bloomberg. VÍSIR/GETTY

Ísland er í öðru sæti á lista fjölmiðilsins Bloomberg yfir heilbrigði þjóða. Þar er Ítalía í efsta sæti af 163 þjóðum en barn sem fæðist á Ítalíu getur búist við að ná níræðisaldri samkvæmt heilsuvísitölu Bloomberg

Í úttekt Bloomberg kemur fram að efnahagsvöxtur á Ítalíu hafi staðið í stað í áratugi, tæplega fjörutíu prósent ungmenna eru atvinnulaus og er þjóðin ein sú skuldsettasta í dag miðað við stærð ítalska hagkerfisins. Engu að síður eru Ítalir í mun betra formi en Bandaríkjamenn, Kanadamenn og Bretar, en þær þjóðir þjást af of háum blóðþrýstingi og kólesteróli og búa við verri andlega heilsu. 

Ítalir eru sagðir búa við gott aðgengi að læknum og þá eru þeir sagðir duglegir að borða grænmeti og neyta ólífuolíu. 

Þegar Bloomberg reiknar út heilsuvísitölu sína er meðal annars horft til lífslíkna, dánarorsaka, lifnaðar, tóbaksnotkunar og aðgengis að hreinu vatni. 

Á Ítalíu geta einstaklingar búist við að ná rúmlega 93 ára aldri en á Íslendingar geta búist við að ná rúmlega 91 árs aldri. Sviss, Singapúr og Ástralía eru í sætunum á eftir Íslandi. 

Bandaríkin eru í 34. sæti en þar er í landi er offita stærsta vandamálið að mati Bloomberg. Í úttektinni kemur fram að íbúar í LouisianaMississippi og Vestur Virginíu í Bandaríkjunum séu þeir feitustu, en 35 prósent þeirra eru í ofþyngd. Jafnframt eru íbúar þessara ríkja þeir fátækustu.

Af nágrannaríkjum Íslands eru Svíar næstir Íslendingum á þessum lista, eða í 8. sæti. Geta Svíar búist við að að lifa í tæplega 89 ár samkvæmt þessari heilsuvísitölu Bloomberg. Norðmenn geta búist við því að verða 86 ára gamlir og eru því í 11. sæti, Finnar 84 ára í 15. sæti, en Danir 80 ára í 28. sæti. 


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Íslendingar í öđru sćti á lista Bloomberg yfir heilbrigđi ţjóđa
Fara efst