Icelandair stofnar nýja ferðaskrifstofu

Hörður Gunnarsson, fyrrverandi framkvæmdastjóri Ferðaskrifstofu Íslands, hefur verið ráðinn til stjórnarsetu í félögum innan Icelandair Group vegna þessa. Björgólfur Jóhannsson, forstjóri félagsins, segir í tilkynningunni að Icelandair hafi hingað til ekki lagt áherslu á almenna ferðaskrifstofustarfsemi eða að bjóða þjónustu fyrir Íslendinga á leið í frí með leiguflugi. Félagið telji sig hins vegar hafa þekkingu, reynslu og tækjakost til þess að geta á stuttum tíma náð góðum árangri og markaðshlutdeild.

Hörður Gunnarsson tekur meðal annars við stjórnarformennsku í Iceland Travel, dótturfélagi Icelandair, og mun meðal annars vinna að því með núverandi stjórnendum að útvíkka ferðaþjónustustarfsemi Icelandair Group bæði í mótttöku erlendra ferðamanna og skipulagningu ferða fyrir Íslendinga. Mun Iceland Travel, eða dótturfyrirtæki þess, taka að sér framleiðslu á skipulögðum hópferðum fyrir Íslendinga í afþreyingarferðir.