Í upphlutsbol við stutt pils 5. mars 2015 14:30 Svava Kristín Grétarsdóttir heldur mikið upp á upphlut langömmu sinnar sem hún notar við hátíðleg tækifæri. Mynd/Vilhelm Langamma mín átti þennan upphlut sem er nú orðinn 95 ára gamall,“ segir Svava Kristín Grétarsdóttir förðunarfræðingur sem notar bol og belti af þjóðbúningi langömmu sinnar við ýmis hátíðleg tækifæri. Svava er nafna langömmu sinnar og á sama afmælisdag og hún. „Ég mátaði þjóðbúninginn fyrst fjórtán ára þegar langamma vildi fá mynd af mér í honum. Ég sá þá eftir því að hafa ekki prófað hann fyrr því ég hefði gjarnan viljað fermast í honum.“ Svava Kristín klæddist þjóðbúningnum ekki aftur fyrr en hún var sautján ára gömul. „Þá var haldið þorrablót sem öll fjölskyldan var á leið á. Flestir klæddu sig í þjóðleg föt og mig langaði að vera með. Hins vegar vildi ég ekki vera alveg hefðbundin. Þá ákvað ég að fara bara í bolinn af upphlutnum ásamt stokkabeltinu og það kom rosalega vel út,“ segir Svava Kristín. Hún hefur síðan þá klæðst upphlutsbolnum við ýmis hátíðleg tækifæri. „Ég hef verið í bolnum yfir kjól eða verið í honum einum við pils eða víðar samkvæmisbuxur og þetta kemur alltaf vel út.“Jákvæð viðbrögð Hún segist iðulega fá mjög góð viðbrögð frá fólki. „Margir spyrja mig út í hvort bolurinn sé ekta og ég fæ mikið hrós fyrir. Ég hef ekki fengið neikvæð viðbrögð þótt ég sé vitanlega að breyta búningnum með því að klæðast honum svona,“ segir hún. Fjölskylda hennar er einnig mjög jákvæð. „Þeim þykir vænt um að ég noti búninginn en auðvitað má ekki misnota hann og vera í þessu alla daga. Ég vel sérstök tilefni til þess og þá er þetta bara skemmtilegt.“ Mikil verðmæti liggja í beltinu og millum og víravirki á bolnum. Er óhætt að fara út á galeiðuna með slíka dýrgripi? „Ég passa þetta vel. Svo hringir mamma alltaf í mig daginn eftir til að athuga hvort allt hafi skilað sér heilt heim,“ svarar Svava og hlær.Gaman að gömlum fötum Svava segist pæla talsvert í tísku. „Mér finnst oft gaman að vera pínulítið öðruvísi og breyti oft gömlum hlutum og geri þá að mínum. Þannig er fataskápurinn hennar ömmu eiginlega allur kominn í bæinn til mín,“ segir hún glettin. „En inn á milli fylgir maður bara tískunni,“ segir hún en uppáhaldsbúðir hennar hér á landi eru Spútnik og Zara. Eyðir þú miklu í föt? „Já, ég verð að viðurkenna það, ég er dálítið dýr í rekstri,“ svarar hún kímin. En hvað með helstu veikleikana þegar kemur að tísku og útliti? „Ætli það sé ekki fullkomnunaráráttan. Ég er mjög lengi að hafa mig til og vinir mínir geta orðið ansi þreyttir á að bíða eftir mér meðan ég næ öllu alveg fullkomnu. Það þarf allt að passa, frá skóm og fötum til förðunar. Reyndar lít ég ekki á þetta sem veikleika af því ég hef bara svo rosalega gaman af því að hafa mig til.“ Mest lesið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið „Ég dreg mig í hlé og fer bara og stofna kaffihús“ Lífið Tróð upp í Norræna partýinu Lífið Fataherbergið seldi henni íbúðina strax Tíska og hönnun Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið Gefi raunsanna mynd af stefnumótahremmingum trans kvenna Bíó og sjónvarp „Þetta styrkti mig rosalega en þetta braut mig líka“ Tónlist „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira
Langamma mín átti þennan upphlut sem er nú orðinn 95 ára gamall,“ segir Svava Kristín Grétarsdóttir förðunarfræðingur sem notar bol og belti af þjóðbúningi langömmu sinnar við ýmis hátíðleg tækifæri. Svava er nafna langömmu sinnar og á sama afmælisdag og hún. „Ég mátaði þjóðbúninginn fyrst fjórtán ára þegar langamma vildi fá mynd af mér í honum. Ég sá þá eftir því að hafa ekki prófað hann fyrr því ég hefði gjarnan viljað fermast í honum.“ Svava Kristín klæddist þjóðbúningnum ekki aftur fyrr en hún var sautján ára gömul. „Þá var haldið þorrablót sem öll fjölskyldan var á leið á. Flestir klæddu sig í þjóðleg föt og mig langaði að vera með. Hins vegar vildi ég ekki vera alveg hefðbundin. Þá ákvað ég að fara bara í bolinn af upphlutnum ásamt stokkabeltinu og það kom rosalega vel út,“ segir Svava Kristín. Hún hefur síðan þá klæðst upphlutsbolnum við ýmis hátíðleg tækifæri. „Ég hef verið í bolnum yfir kjól eða verið í honum einum við pils eða víðar samkvæmisbuxur og þetta kemur alltaf vel út.“Jákvæð viðbrögð Hún segist iðulega fá mjög góð viðbrögð frá fólki. „Margir spyrja mig út í hvort bolurinn sé ekta og ég fæ mikið hrós fyrir. Ég hef ekki fengið neikvæð viðbrögð þótt ég sé vitanlega að breyta búningnum með því að klæðast honum svona,“ segir hún. Fjölskylda hennar er einnig mjög jákvæð. „Þeim þykir vænt um að ég noti búninginn en auðvitað má ekki misnota hann og vera í þessu alla daga. Ég vel sérstök tilefni til þess og þá er þetta bara skemmtilegt.“ Mikil verðmæti liggja í beltinu og millum og víravirki á bolnum. Er óhætt að fara út á galeiðuna með slíka dýrgripi? „Ég passa þetta vel. Svo hringir mamma alltaf í mig daginn eftir til að athuga hvort allt hafi skilað sér heilt heim,“ svarar Svava og hlær.Gaman að gömlum fötum Svava segist pæla talsvert í tísku. „Mér finnst oft gaman að vera pínulítið öðruvísi og breyti oft gömlum hlutum og geri þá að mínum. Þannig er fataskápurinn hennar ömmu eiginlega allur kominn í bæinn til mín,“ segir hún glettin. „En inn á milli fylgir maður bara tískunni,“ segir hún en uppáhaldsbúðir hennar hér á landi eru Spútnik og Zara. Eyðir þú miklu í föt? „Já, ég verð að viðurkenna það, ég er dálítið dýr í rekstri,“ svarar hún kímin. En hvað með helstu veikleikana þegar kemur að tísku og útliti? „Ætli það sé ekki fullkomnunaráráttan. Ég er mjög lengi að hafa mig til og vinir mínir geta orðið ansi þreyttir á að bíða eftir mér meðan ég næ öllu alveg fullkomnu. Það þarf allt að passa, frá skóm og fötum til förðunar. Reyndar lít ég ekki á þetta sem veikleika af því ég hef bara svo rosalega gaman af því að hafa mig til.“
Mest lesið Mörg hundruð manns á opnun kosningamiðstöðvar Katrínar Lífið Vinskapurinn og gleðin staðið upp úr Lífið „Ég dreg mig í hlé og fer bara og stofna kaffihús“ Lífið Tróð upp í Norræna partýinu Lífið Fataherbergið seldi henni íbúðina strax Tíska og hönnun Gaman að geta grætt fólk á góðan hátt Lífið Fréttatía vikunnar: Lögreglan, körfubolti og frambjóðendur Lífið Gefi raunsanna mynd af stefnumótahremmingum trans kvenna Bíó og sjónvarp „Þetta styrkti mig rosalega en þetta braut mig líka“ Tónlist „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Fleiri fréttir Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira