Umfjöllun, viðtöl og myndir: Víkingur - Valur 1-2 | Valsmenn sneru dæminu við í seinni hálfleik Tryggvi Páll Tryggvason á Víkingsvelli skrifar 5. júlí 2015 00:01 Kristinn Freyr Sigurðsson hefur leikið vel í sumar. vísir/andri marinó Það eru Valsmenn sem verða eitt af fjórum liðum í pottinum þegar dregið verður til undanúrslita í Borgunarbikarnum. Víkingur tók á móti þeim í hellirigningu á Víkingsvelli í fjörugum leik í kvöld.Andri MarinóKarlsson, ljósmyndari Fréttablaðsins og Vísis, var á vellinum og tók meðfylgjandi myndir. Ólafur Þórðarsson gerði fjórar breytingar á liði sínu frá Evrópuleiknum gegn Koper á fimmtudaginn. Sterkustu leikmenn Víkings, þeir Igor Taskovic og Rolf Toft sátu á bekknum. Það kom snemma í ljós að Víkingar ætluðu sér að leyfa Valsmönnum að vera með boltann. Þeir sátu þéttir til baka og í fyrri hálfleik fundu Valsarar litlar sem engar glufur á varnarleik Víkinga þrátt fyrir að vera mikið meira með boltann. Í raun gekk leikplan Víkinga fullkomlega upp í fyrri hálfleik enda fóru þeir með 1-0 forystu inn í hann. Á 33. mínútu barst boltinn til Andra Rúnars Bjarnasonar fyrir utan teiginn. Hann gerði sér lítið fyrir og tók viðstöðulaust skot sem söng í markhorni Valsmanna. Glæsilegt mark sem kom upp úr einni af örfáum sóknum Víkinga í fyrri hálfeik. Eitthvað hafa Ólafur Jóhannesson og Sigurbjörn Hreiðarsson skerpt á sínum mönnum í hálfleik því að Valsmenn mættu í hann af miklum krafti og litu ekki til baka. Patrick Pedersen fékk dauðafæri strax í upphafi seinni hálfleiks en skot hans var varið í horn. Úr því horni skoruðu Valsmenn, Kristinn Freyr spyrnti boltanum á nærstöng þar sem mikil umferð var. Thomas Nielsen kom hönd á boltann en inn fyrir línuna fór hann og líklega skrifast þetta mark sem sjálfsmark Danans í marki Víkinga. Valsmenn voru mun líklegri til þess að bæta í en Víkingar að jafna þó að Ólafur Þórðarsson hafi sett þá félaga, Taskovic og Toft, inn á til þess að reyna að ná einhverju út úr þessum leik. Valsmenn héldu áfram að pressa stíft og það bar árangur þegar Iain Williamson af öllum mönnum kom Valsmönnum yfir á 80. mínútu. Bakvörðurinn sem kom inn á sem varamaður var mættir fremstur og potaði boltanum inn af örstuttu færi eftir góða sókn Valsmann. Forystan var verðskulduð en við þetta vöknuðu þó Víkingar og fengu nokkur færi til að jafna leikinn en án árangurs. Leikurinn opnaðist verulega við þessa sóknartilburði Víkings og Valsmenn hefðu getað bætt í á lokamínútum en Thomas Nielsen lokaði á allt saman. Gott gengi Vals heldur því áfram en liðið er taplaust í öllum keppnum síðan 20. maí er liðið tapaði gegn Breiðablik. Víkingum bíður ferðalag til Slóveníu vegna seinni leiks liðsins gegn Koper í Evrópukeppninni en það lið tryggði sér sigur í Meisturum meistaranna í Slóveníu með sigri á Maribor í kvöld eftir vítaspyrnukeppni.Ólafur Jóhannesson: Hugsum ekki lengra en næsta leik Þjálfari Valsmanna var að vonum ánægður með leik sinna manna: „Ég er mjög sáttur við frammistöðu okkar manna. Við lendum undir en komum til baka og klárum leikinn. Ég er ánægður með það.“ Völsurum gekk illa að brjóta vörn Víkings á bak aftur í fyrri hálfleik en leikur þeirra kom Ólafi þó ekki á óvart: „Við höfum tökin á þessum leik en gekk kannski illa að skapa færi og þá sérstaklega í fyrri hálfleik. Við vissum það að þeir myndu ekki pressa hátt á okkur enda duttu þeir langt aftur og voru að halda sínu.“ Augljóst var að Ólafur og Sigurbjörn, aðstoðarþjálfari hans ræddu eitthvað mikilvægt við sína menn í fyrri hálfleik enda komu Valsmenn af krafti inn í seinni hálfleik og uppskáru mark: „Við töluðum um það í hálfleik að byrja af krafti og koma inn marki sem fyrst. Það gekk eftir og við það róaðist okkar leikur.“ Athygli vakti að Ólafur talaði um að Valur væri ekki með hópinn til þess að ná Evrópusæti á þessu tímabili en liðið hefur átt góðu gengi að fagna undanfarið og er einmmitt í góðri stöðu til þess að gera harða atlögu að Evrópusæti. Þarf Ólafur að endurskoða orð sín? „Við förum í næsta leik og hugsum ekki lengra en það. Það er ágætis ról á okkur og ég er tiltölulega sáttur.“ „Mótinu lýkur í október. Ég svara þessu þá.“Ólafur Þórðarsson: Hallaði verulega á okkur í dómgæslunni Þjálfari Víkings var allt annað en sáttur með dómgæsluna hér í kvöld: „Dómgæslan var slök, það er ósköp einfalt. Það er erfitt að spila gegn svona mörgum leikmönnum og vera svo með dómarinn í hina áttina. Það hallaði verulega á okkur í dómgæslunni.“ „Það var brotið á markmanninum okkar í fyrsta markinu. Það snýr leiknum. Í bikarnum er það rosalega dýrmætt. Þeir vita það sem hafa unnið einhverja titla.“ Ólafur gaf þó lítið fyrir að Víkingar hefðu lagt upp með að spila varnarsinnaðan bolta: „Komust við ekki í 1-0? Maður verst þegar maður hefur ekki boltann og sækir þegar maður hefur hann. “ „Þeir jafna áður en við færum okkar framar á völlinn. Eftir að þeir jafna reynum við að sækja mark. Það er ekki spilað til eilífðar í bikarnum. VIð fáum svo á okkur mark sem er algjör aulaskapur.“vísir/stefánValsmenn eru á flottu skriði.vísir/andri marinóVíkingar hafa tapað þremur leikjum í röð í öllum keppnum.vísir/andri marinó Pepsi Max-deild karla Mest lesið Mari Järsk sigurvegari Bakgarðshlaupsins Sport Gat ekki staðið upp til að taka við bikarnum Sport „Maður hefur verið milli tannanna á fólki síðan maður var ungur“ Íslenski boltinn Mari meyr eftir sigurinn Sport Adam hundfúll og Arnar beint í símann Íslenski boltinn Áflogaseggir fá ekki að mæta aftur á völlinn Körfubolti Sjáðu aukaspyrnumark Gylfa, umdeildan rangstöðudóm og rauðu spjöldin Íslenski boltinn Uppgjör, viðtöl og myndir: Breiðablik - Valur 2-3 | Manni færri héldu gestirnir út Íslenski boltinn Uppgjör: Valur - Njarðvík 68-67 | Ekki fallegt en það telur Körfubolti „Arnar fór langt yfir strikið“ en nafni hans oftar með dónaskap Íslenski boltinn Fleiri fréttir Arnar í tveggja leikja bann Aðeins einn uppalinn Valsmaður í Bestu deild karla „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Segir að Viðar hafi ekki mætt á æfingu á leikdegi Sjáðu aukaspyrnumark Gylfa, umdeildan rangstöðudóm og rauðu spjöldin „Arnar fór langt yfir strikið“ en nafni hans oftar með dónaskap Uppgjör, viðtöl og myndir: Breiðablik - Valur 2-3 | Manni færri héldu gestirnir út Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek“ „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni „Lítur ekki vel út með Elmar, ég er hræddur um að þetta sé svipað og hjá Eiði“ Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Andrea á batavegi: „Gott fyrir alla að sjá hana brosandi“ Með sjö í þremur: „Kannski margir sem afskrifa mann en mér finnst ég eiga nóg eftir“ „Hún er með hjartagalla en í góðum höndum núna og vonandi fer allt vel“ Sjá meira
Það eru Valsmenn sem verða eitt af fjórum liðum í pottinum þegar dregið verður til undanúrslita í Borgunarbikarnum. Víkingur tók á móti þeim í hellirigningu á Víkingsvelli í fjörugum leik í kvöld.Andri MarinóKarlsson, ljósmyndari Fréttablaðsins og Vísis, var á vellinum og tók meðfylgjandi myndir. Ólafur Þórðarsson gerði fjórar breytingar á liði sínu frá Evrópuleiknum gegn Koper á fimmtudaginn. Sterkustu leikmenn Víkings, þeir Igor Taskovic og Rolf Toft sátu á bekknum. Það kom snemma í ljós að Víkingar ætluðu sér að leyfa Valsmönnum að vera með boltann. Þeir sátu þéttir til baka og í fyrri hálfleik fundu Valsarar litlar sem engar glufur á varnarleik Víkinga þrátt fyrir að vera mikið meira með boltann. Í raun gekk leikplan Víkinga fullkomlega upp í fyrri hálfleik enda fóru þeir með 1-0 forystu inn í hann. Á 33. mínútu barst boltinn til Andra Rúnars Bjarnasonar fyrir utan teiginn. Hann gerði sér lítið fyrir og tók viðstöðulaust skot sem söng í markhorni Valsmanna. Glæsilegt mark sem kom upp úr einni af örfáum sóknum Víkinga í fyrri hálfeik. Eitthvað hafa Ólafur Jóhannesson og Sigurbjörn Hreiðarsson skerpt á sínum mönnum í hálfleik því að Valsmenn mættu í hann af miklum krafti og litu ekki til baka. Patrick Pedersen fékk dauðafæri strax í upphafi seinni hálfleiks en skot hans var varið í horn. Úr því horni skoruðu Valsmenn, Kristinn Freyr spyrnti boltanum á nærstöng þar sem mikil umferð var. Thomas Nielsen kom hönd á boltann en inn fyrir línuna fór hann og líklega skrifast þetta mark sem sjálfsmark Danans í marki Víkinga. Valsmenn voru mun líklegri til þess að bæta í en Víkingar að jafna þó að Ólafur Þórðarsson hafi sett þá félaga, Taskovic og Toft, inn á til þess að reyna að ná einhverju út úr þessum leik. Valsmenn héldu áfram að pressa stíft og það bar árangur þegar Iain Williamson af öllum mönnum kom Valsmönnum yfir á 80. mínútu. Bakvörðurinn sem kom inn á sem varamaður var mættir fremstur og potaði boltanum inn af örstuttu færi eftir góða sókn Valsmann. Forystan var verðskulduð en við þetta vöknuðu þó Víkingar og fengu nokkur færi til að jafna leikinn en án árangurs. Leikurinn opnaðist verulega við þessa sóknartilburði Víkings og Valsmenn hefðu getað bætt í á lokamínútum en Thomas Nielsen lokaði á allt saman. Gott gengi Vals heldur því áfram en liðið er taplaust í öllum keppnum síðan 20. maí er liðið tapaði gegn Breiðablik. Víkingum bíður ferðalag til Slóveníu vegna seinni leiks liðsins gegn Koper í Evrópukeppninni en það lið tryggði sér sigur í Meisturum meistaranna í Slóveníu með sigri á Maribor í kvöld eftir vítaspyrnukeppni.Ólafur Jóhannesson: Hugsum ekki lengra en næsta leik Þjálfari Valsmanna var að vonum ánægður með leik sinna manna: „Ég er mjög sáttur við frammistöðu okkar manna. Við lendum undir en komum til baka og klárum leikinn. Ég er ánægður með það.“ Völsurum gekk illa að brjóta vörn Víkings á bak aftur í fyrri hálfleik en leikur þeirra kom Ólafi þó ekki á óvart: „Við höfum tökin á þessum leik en gekk kannski illa að skapa færi og þá sérstaklega í fyrri hálfleik. Við vissum það að þeir myndu ekki pressa hátt á okkur enda duttu þeir langt aftur og voru að halda sínu.“ Augljóst var að Ólafur og Sigurbjörn, aðstoðarþjálfari hans ræddu eitthvað mikilvægt við sína menn í fyrri hálfleik enda komu Valsmenn af krafti inn í seinni hálfleik og uppskáru mark: „Við töluðum um það í hálfleik að byrja af krafti og koma inn marki sem fyrst. Það gekk eftir og við það róaðist okkar leikur.“ Athygli vakti að Ólafur talaði um að Valur væri ekki með hópinn til þess að ná Evrópusæti á þessu tímabili en liðið hefur átt góðu gengi að fagna undanfarið og er einmmitt í góðri stöðu til þess að gera harða atlögu að Evrópusæti. Þarf Ólafur að endurskoða orð sín? „Við förum í næsta leik og hugsum ekki lengra en það. Það er ágætis ról á okkur og ég er tiltölulega sáttur.“ „Mótinu lýkur í október. Ég svara þessu þá.“Ólafur Þórðarsson: Hallaði verulega á okkur í dómgæslunni Þjálfari Víkings var allt annað en sáttur með dómgæsluna hér í kvöld: „Dómgæslan var slök, það er ósköp einfalt. Það er erfitt að spila gegn svona mörgum leikmönnum og vera svo með dómarinn í hina áttina. Það hallaði verulega á okkur í dómgæslunni.“ „Það var brotið á markmanninum okkar í fyrsta markinu. Það snýr leiknum. Í bikarnum er það rosalega dýrmætt. Þeir vita það sem hafa unnið einhverja titla.“ Ólafur gaf þó lítið fyrir að Víkingar hefðu lagt upp með að spila varnarsinnaðan bolta: „Komust við ekki í 1-0? Maður verst þegar maður hefur ekki boltann og sækir þegar maður hefur hann. “ „Þeir jafna áður en við færum okkar framar á völlinn. Eftir að þeir jafna reynum við að sækja mark. Það er ekki spilað til eilífðar í bikarnum. VIð fáum svo á okkur mark sem er algjör aulaskapur.“vísir/stefánValsmenn eru á flottu skriði.vísir/andri marinóVíkingar hafa tapað þremur leikjum í röð í öllum keppnum.vísir/andri marinó
Pepsi Max-deild karla Mest lesið Mari Järsk sigurvegari Bakgarðshlaupsins Sport Gat ekki staðið upp til að taka við bikarnum Sport „Maður hefur verið milli tannanna á fólki síðan maður var ungur“ Íslenski boltinn Mari meyr eftir sigurinn Sport Adam hundfúll og Arnar beint í símann Íslenski boltinn Áflogaseggir fá ekki að mæta aftur á völlinn Körfubolti Sjáðu aukaspyrnumark Gylfa, umdeildan rangstöðudóm og rauðu spjöldin Íslenski boltinn Uppgjör, viðtöl og myndir: Breiðablik - Valur 2-3 | Manni færri héldu gestirnir út Íslenski boltinn Uppgjör: Valur - Njarðvík 68-67 | Ekki fallegt en það telur Körfubolti „Arnar fór langt yfir strikið“ en nafni hans oftar með dónaskap Íslenski boltinn Fleiri fréttir Arnar í tveggja leikja bann Aðeins einn uppalinn Valsmaður í Bestu deild karla „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Segir að Viðar hafi ekki mætt á æfingu á leikdegi Sjáðu aukaspyrnumark Gylfa, umdeildan rangstöðudóm og rauðu spjöldin „Arnar fór langt yfir strikið“ en nafni hans oftar með dónaskap Uppgjör, viðtöl og myndir: Breiðablik - Valur 2-3 | Manni færri héldu gestirnir út Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek“ „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Uppgjör og viðtöl: KA-KR 1-1 | Smit stal fyrirsögnunum enn og aftur Sjáðu Andra Rúnar opna reikninginn og mörkin sem færðu FH sigur Segir að móðurhlutverkið hafi gert sig að betri leikmanni „Lítur ekki vel út með Elmar, ég er hræddur um að þetta sé svipað og hjá Eiði“ Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel Andrea á batavegi: „Gott fyrir alla að sjá hana brosandi“ Með sjö í þremur: „Kannski margir sem afskrifa mann en mér finnst ég eiga nóg eftir“ „Hún er með hjartagalla en í góðum höndum núna og vonandi fer allt vel“ Sjá meira
Uppgjör, viðtöl og myndir: Breiðablik - Valur 2-3 | Manni færri héldu gestirnir út Íslenski boltinn
Uppgjör, viðtöl og myndir: Breiðablik - Valur 2-3 | Manni færri héldu gestirnir út Íslenski boltinn