ŽRIŠJUDAGUR 28. JŚNĶ NŻJAST 12:54

Įhęttumatiš er lękkaš žegar Ķsland spilar į EM

FRÉTTIR

Liverpool slapp meš jafntefli viš D-deildarliš Exeter

 
Enski boltinn
21:45 08. JANŚAR 2016
Jerome Sinclair fagnar marki sķnu ķ kvöld.
Jerome Sinclair fagnar marki sķnu ķ kvöld. VĶSIR/GETTY

Liverpool og Exeter City þurfa að mætast að nýju í 3. umferð ensku bikarkeppninnar eftir 2-2 jafntefli á heimavelli Exeter City í kvöld.

D-deildarlið Exeter City komst tvisvar yfir í leiknum en Liverpool náði að jafna metin í tvígang. Liðin þurfa því að mætast að nýju á Anfield Road, heimavelli Liverpool.

Jürgen Klopp, knattspyrnustjóri Liverpool, sem stýrða þarna liðinu í fyrsta skipti í ensku bikarkeppninni gerði ellefu breytingar á byrjunarliði sínu frá því í síðasta leik.

Liverpool var með algjört varalið og í byrjunarliðinu var það bara Christian Benteke sem hafði spilað meira en fimm leiki á tímabilinu.

Klopp var í miklum vandræðum með leikmenn enda þrettán leikmenn á sjúkalistanum.

Exeter City fékk draumabyrjun þegar Tom Nichols kom liðinu í 1-0 strax á 9. mínútu en hinn 19 ára gamli Jerome Sinclair jafnaði metin þremur mínútum síðar.

Lee Holmes kom Exter aftur yfir í lok fyrri hálfleiks þegar hann skoraði beint úr aukaspyrnu án þess að Adam Bogdan kæmi vörnum við í marki Liverpool.

Brad Smith tryggði Liverpool jafntefli og annan leik þegar hann jafnaði metin á 72. mínútu. Brad Smith hafði heppnina með sér því varnarmaður Exeter mistókst að koma boltanum frá.

Liverpool náði ekki að bæta við marki og tryggja sér sigurinn en slapp við vandræðalegt tap. Það eru þó ekki góðar fréttir fyrir meiðslahrjáð lið Liverpool að fá einn leik til viðbótar en nóg að gera hjá lærisveinum Jürgen Klopp í deild, bikar, deildabikar og Evrópukeppni.


  • Bein lżsing
  • Lišin
  • Tölfręši



Deila
Athugiš. Allar athugasemdir eru į įbyrgš žeirra er žęr rita. Vķsir hvetur lesendur til aš halda sig viš mįlefnalega umręšu. Einnig įskilur Vķsir sér rétt til aš fjarlęgja ęrumeišandi eša ósęmilegar athugasemdir.

 

MEST LESIŠ

  • Nżjast į Vķsi
  • Mest Lesiš
  • Fréttir
  • Sport
  • Višskipti
  • Lķfiš
Forsķša / Sport / Fótbolti / Enski boltinn / Liverpool slapp meš jafntefli viš D-deildarliš Exeter
Fara efst