MÁNUDAGUR 25. JÚLÍ NÝJAST 10:00

Tveir á toppnum: Ronaldo heimsótti Conor í Vegas | Myndir

SPORT

Hvert heimili verđi međ viđlagakassa

 
Innlent
07:00 13. FEBRÚAR 2016
Hjálmar Karlsson, verkefnastjóri hjá Rauđa krossinum, segist vonast til ţess ađ hvert heimili landsins verđi búiđ viđlagakassa og heimilisáćtlun.
Hjálmar Karlsson, verkefnastjóri hjá Rauđa krossinum, segist vonast til ţess ađ hvert heimili landsins verđi búiđ viđlagakassa og heimilisáćtlun. VÍSIR/GVA

Það er von Rauða krossins að viðlagakassa með nauðsynjum til þriggja daga og heimilisáætlun muni finnast á hverju heimili landsins eftir að nýju verkefni þeirra 3 dagar hefur verið hrint af stað.

Um er að ræða forvarnarverkefni þar sem landsmenn eru hvattir til þess að koma sér upp viðlagakassa, með öllum þeim nauðsynjum sem þeir þurfa ef innviði rofna, svo sem mat með löngu geymsluþoli, vatni á flöskum eða í brúsa, og vasaljósi, auk heimilisáætlunar til að fyrirbyggja tjón. Land Rover verksmiðjan í Bretlandi styrkir Rauða krossinn í verkefninu með aðkomu BL á Íslandi.

„Þetta er okkar skylda hjá Rauða krossinum, við sinnum neyðarvörnum og erum með fjölda hjálparstöðva og sjálfboðaliða. Það sem hefur setið eftir síðustu ár með eflingu viðbragðsaðila vegna neyðartilvika er almenningsfræðsla. Hvernig eigi að bregðast við ef rof verður á innviðum, ef til dæmis verður rafmagnslaust, eða sambandlaust og/eða vatnsskortur vegna náttúruhamfara. Þess vegna fórum við af stað með þetta,“ segir Hjálmar Karlsson, verkefnastjóri hjá Rauða Krossinum.

„Náttúruhamfarir gera ekki boð á undan sér og veðrabrigði eru mikil á Íslandi. Þannig að það er þá betra að vera undirbúinn og tilbúinn með einhvers konar heimilisáætlun og viðlagakassa. Það er lítið hægt að gera eftir að hamfarirnar skella á,“ segir Hjálmar. Rauði krossinn verður með fræðslu á tuttugu og fimm stöðum á næstu þremur árum til að kynna verkefnið. „Að sama skapi ætlum við að heimsækja alla grunnskóla á landinu og fá börnin í lið með okkur. Þau munu þá fá fjölskyldur sínar með sér í þetta,“ segir Hjálmar.

„Það er okkar von að það verði viðlagakassar á hverju heimili landsins eftir þetta. Þetta eru hlutir sem oft eru til nú þegar, það ætti ekki að vera sligandi kostnaður við að koma sér þessu upp. Það eru mörg dæmi um að innviðir séu rofnir á Íslandi. Þetta dregur úr því að viðbragðsaðilar, eins og björgunarsveitir, þurfi að fara í minni keyrslur aftur og aftur til þess að sinna einhverju sem hefði verið hægt að fyrirbyggja.“


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Hvert heimili verđi međ viđlagakassa
Fara efst