ŮRIđJUDAGUR 30. SEPTEMBER NŢJAST 10:21

Ma­ur stunginn me­ hnÝf Ý AusturstrŠti

FR╔TTIR

Hundurinn Hunter leita­i Ý selshrŠ

Innlent
07:45 19. J┌N═ 2014
Hunter var or­inn svangur, sˇtti Ý selshrŠ og ■a­ var­ til ■ess a­ hann fannst loks.
Hunter var or­inn svangur, sˇtti Ý selshrŠ og ■a­ var­ til ■ess a­ hann fannst loks.
Jakob Bjarnar skrifar:

Hundurinn Hunter fannst loks í gærkvöldi eftir að áköf leit hafði staðið yfir í tæpa viku. Hunter var kominn út í hólma við Þórshöfn í Ósabotnum, sem er einum tíu kílómetrum frá Leifsstöð. Óð eigandi Hunters, Katarina Reinhall, sænsk kona, sjálf út í hólmann til að sækja hundinn. Þegar Reinhall hafði loks náð að lokka hundinn til sín urðu miklir fagnaðarfundir, að sögn Ingólfs E. Sigurjónssonar, en hann er frá svæðisstjórn björgunarsveita á svæði 2 og fór með stjórnun leitaraðgerða. Hundurinn var orðinn vel svangur, og það var í raun það sem lokum leiddi til þess að hann fannst.


Katariona Reinhall og Hunter Ý fj÷rubor­inu sk÷mmu eftir fundinn.
Katariona Reinhall og Hunter Ý fj÷rubor­inu sk÷mmu eftir fundinn. ODDUR JËNSSON / BJÍRGUNARSVEITIN ĂGIR, GARđI

Sótti í selshræ úti í hólma
„Ástæðan fyrir því að farið var út í þennan hólma er sú að okkur hafði borist ábending um að þar væri selshræ þarna í fjörunni,“ segir Ingólfur. „Maður hafði hringt inn fyrr um daginn og taldi sig hafa séð spor við hræið. Það var svo kannað nánar. Eigandinn fór út í hólmann og telur sig kannast við þessi spor. Og stuttu síðar verður hún hans vör þarna úti í hólmanum.“

Þrátt fyrir að eigandinn væri kominn út í hólmann, en þangað hafði Reinhall vaðið upp að mitti náði hún ekki að kalla hann til sín í fyrstu. „Það tók hana langan tíma að sannfæra hundinn um það að í lagi væri að koma úr felum. En það urðu miklir fagnaðarfundir þegar hann áttaði sig á því hver var kominn til að sækja hann,“ segir Ingólfur. Hér getur að líta myndskeið sem tíðindamaður Víkurfrétta náði skömmu eftir að hundurinn fannst.

Enginn undankomuleið var fyrir Hunter þegar út í hólmann var komið og björgunarsveitarfólk og leitarfólk raðaði sér í fjöruna, og hefði hann náðst í fjöruborðinu ef hann hefði flúið. Eigandinn náði hins vegar að róa hundinn.


Bj÷rgunarsveitarmenn ßsamt Reinhall va­a me­ Hunter ˙r hˇlmanum.
Bj÷rgunarsveitarmenn ßsamt Reinhall va­a me­ Hunter ˙r hˇlmanum. ODDUR JËNSSON / BJÍRGUNARSVEITIN ĂGIR, GARđI

Týndur í tæpa viku
Hunter slapp úr búri sínu í Flugstöð Leifs Eiríkssonar á föstudaginn. Árni Stefán Árnason lögfræðingur fór fyrir hópi sjálfboðaliða og hann hefur gagnrýnt opinbera aðila, svo sem Matvælastofnun, harðlega og segir leitina af þeirra hálfu hafa verið fumkennda og stjórnlausa.

Samkvæmt Tollgæslu stendur til að senda hundinn út strax í dag eftir að tekið hefur verið úr honum sýni, en strangar reglur gilda um innflutning hunda vegna ýmiskonar smithættu. Árni Stefán segir eigandann ósáttan við hvernig staðið hefur verið að málum af hálfu Icelandair, fyrir það fyrsta að hafa misst hundinn úr greipum sínum og svo með leitina sjálfa. Hún hafði heitið 200 þúsund krónum í fundarlaun. Þau verða ekki greidd út þar sem Reinhall fangaði Hunter sjálf.

Fólk veltir því vitaskuld fyrir sér hvernig það má vera að hundurinn hafi ekki fundist í allan þennan tíma, en Border Collie eru ekki smáhundar, heldur fjárhundar - en það þýðir reyndar að það er talsverð yfirferð á þeim og Ingólfur segir Hunter þannig á lit að hann falli afskaplega vel inn í landslagið og hraunið. Og það sem meira er, leitarsvæðið er miklu umfangsmeira en menn almennt gera sér grein fyrir.

Gagnrýni vísað á bug
Ingólfur gefur ekki mikið fyrir gagnrýni Árna Stefáns. Hann segir að björgunarsveitirnar hafi verið í stöðugu sambandi við Katarinu Reinhall og alltaf þegar ábendingar bárust var hún kölluð til og fengin til að athuga hvort um Hunter gæti verið að ræða. Ingólfur segir þvert á móti að Reinhall vilji koma á framfæri miklum þökkum til leitarfólks alls. Reinhall var í sömu flugvél og Hunter og sá þegar búr hans opnaðist við að falla af færibandi. Hún var því viðstödd leitina allt frá upphafi.


Ingˇlfur E. Sigurjˇnsson stjˇrna­i leitinni af hßlfu bj÷rgunarsveitanna.
Ingˇlfur E. Sigurjˇnsson stjˇrna­i leitinni af hßlfu bj÷rgunarsveitanna.

Þá segir Ingólfur vert að hafa í huga að björgunarsveitirnar hafa ekki getað kallað út allan sinn mannskap vegna umfangsmikillar leitar sem staðið hefur yfir austur í Fljótsdal, að Ástu Stefánsdóttur. „Við höfum verið ragir við að kalla út mikinn mannskap, því mikið álag hefur verið á okkar mannskap undanfarna daga og vikur. En, við reyndum eins og við gátum.“

Árni Stefán hefur gagnrýnt harðlega opinbera aðila. Var leitin svona óskipulögð?

„Við viljum ekki meina það. Við höfum reynt allt sem við höfum getað. Samstarf lögreglu og björgunarsveita hefur verið til mikillar fyrirmyndar og við höfum fengið alla þá aðstoð frá matvælastofnun sem við höfum óskað eftir,“ segir Ingólfur.


Deila
Athugi­. Allar athugasemdir eru ß ßbyrg­ ■eirra er ■Šr rita. VÝsir hvetur lesendur til a­ halda sig vi­ mßlefnalega umrŠ­u. Einnig ßskilur VÝsir sÚr rÚtt til a­ fjarlŠgja Šrumei­andi e­a ˇsŠmilegar athugasemdir.

 

MEST LESIđ

  • Nřjast ß VÝsi
  • Mest Lesi­
  • FrÚttir
  • Sport
  • Vi­skipti
  • LÝfi­
ForsÝ­a / FrÚttir / Innlent / Hundurinn Hunter leita­i Ý selshrŠ
Fara efst