MIĐVIKUDAGUR 29. MARS NÝJAST 15:00

Stefna í ranga átt

SKOĐANIR

Hundurinn Hunter grét ţegar hann kom heim

 
Innlent
13:20 22. JÚNÍ 2014
Hunter nýkominn í fang eiganda síns.
Hunter nýkominn í fang eiganda síns. MYND/ÁRNI STEFÁN

Hundurinn Hunter sem leitað var logandi ljósi í tæpa viku eftir að hann slapp úr búri sínu á Keflavíkurflugvelli er kominn til síns heima og aðlagast vel að sögn Katarinu Reinhall, eiganda hans. Hún segist full þakklæti fyrir veitta aðstoð og hefur boðið Árna Stefáni Árnasyni, dýralögfræðingi, og einum þeirra sem aðstoðaði hana hvað mest í leitinni í heimsókn til sín til Svíþjóðar.

„Hann hefur það afskaplega gott. Hann sleikti dætur Katarínu vel og lengi og eins og hún lýsti því í tölvupósti þá grét hann af gleði,“ segir Árni.

Hunter fannst  úti í hólma við Þórshöfn í Ósabotnum, sem er um tíu kílómetrum frá Leifsstöð. Eigandi hans, Katarína, óð sjálf út í hólmann til að sækja sækja hann og við tóku miklir fagnaðarfundir.  Eftir að búið var að gera að sárum hans og gefa honum að éta var farið með hann upp í flugvél og hann sendur til Svíþjóðar, þar sem Katarína býr.

„Ég hef svona verið að daðra við hugmyndina að fara út að heilsa upp á hana einhvern tímann á næstunni. En það verður bara að koma í ljós.“

Katarína segir Hunter dálítið þreyttan og slappan en segir hann vart hafa vikið frá sér. Hún býr á lítilli eyju rétt fyrir utan Stokkhólm og segir hún hann aðlagast vel þar. Katarína er þó ekki alls sátt við hvernig staðið var að leitinni og segir málinu ekki lokið af hennar hálfu. Hún er þó þakklát fyrir þá aðstoð sem hún fékk eins og bréf frá henni sem sjá má hér að neðan sýnir.



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Hundurinn Hunter grét ţegar hann kom heim
Fara efst