Hundrað manns fastir um borð í ferju
Tvöhundruð fjörutíu og sjö var bjargað í gær.
Mynd/AP
Þrjúhundruð og fimmtíu farþegar voru um borð í ferjunni ásamt tólf manna áhöfn þegar hún sökk í gærmorgun. Tvöhundruð fjörutíu og sjö var bjargað í gær og einum í morgun. Rúmlega hundrað og tíu er enn saknað og vinna björgunarmenn nú í kappi við tímann í þeirri von um að finna einhvern á lífi.
Talið er að margir séu enn fastir um borð í ferjunni sem nú er djúpt niðri á hafsbotni en Nurur Rahman, sem stjórnar leitinni, telur fólkið þó ekki af.
Aftakaveður á svæðinu hefur gert leitarmönnum erfitt fyrir og tilkynnti Peter O'Neil, forsætisráðherra Nýju-Geníu, að leitinni yrði fljótlega slegið á frest vegna þessa en henni verður haldið áfram á morgun.
Yfirvöld hafa ekki viljað staðfesta hvort einhverjir hafi fundist látnir.
Ferjan var á siglingu milli bæjanna Kimbe og Lae þegar hún sendi frá sér neyðarkall. Talið er að slæmt veður á þessum slóðum hafi valdið því að ferjan sökk.
- Fréttir
- Sport
- Viðskipti
- Lífið
Fréttir eftir mánuði
Hér má finna fréttir eftir mánuði.
- Sími 512 5000
- Hafðu samband
- Starfsfólk
- Umferð
- Veftré
- Auglýsingar
- 365 Skaftahlíð 24 105 Reykjavík Sími: 512 5000