Íslenski boltinn

Hólmbert hrinti Jóhanni Birni sem endaði með handleggsbroti | Myndband

Anton Ingi Leifsson skrifar
Jóhann Birnir Guðmundsson handleggsbrotnaði í undanúrslitaleik KR og Keflavíkur í Lengjubikar karla í gærkvöldi.

KR var þá að geysast í sókn og Jóhann Birnir, þessi mikli reynslubolti, hljóp í veg fyrir Hólmbert Aron Friðjónsson, framherja KR.

Það endaði ekki betur en svo að Hólmbert stjakaði við Jóhanni og hann hrasar í grasið. Þetta gerðist undir lok fyrri hálfleiks, en leiknum lauk með 4-0 sigri KR.

Jóhann birti svo mynd á Twitter-síðu sinni í dag að hann væri handleggsbrotinn og Hólmbert baðst afsökunar. Tístin má sjá hér að neðan.

Atvikið má sjá í sjónvarpsglugganum hér að ofan.




Fleiri fréttir

Sjá meira


×