Innlent

Hjólreiðamaður í Vesturbæ fluttur á slysadeild

Nanna Elísa Jakobsdóttir skrifar
Sjúkraflutningamenn hafa haft í nógu að snúast síðastliðinn sólarhring.
Sjúkraflutningamenn hafa haft í nógu að snúast síðastliðinn sólarhring.
Hjólreiðamaður sem datt af hjóli sínu í Vesturbæ í morgun var fluttur á slysadeild. Ekki er vitað um meiðsl hans að svo stöddu.

Lögregla segir að töluverður erill sé nú í morgun en hún hafði í nógu að snúast í nótt. Á tug bíla voru stöðvaðir vegna gruns um akstur undir áhrifum áfengis eða vímuefna. Auk þess var tilkynnt um innbrot í Apótek í Salahverfi og þurfti lögregla að hafa afskipti af ungu fólki í þrígang.

Slökkviliðið hefur haft í miklu að snúast í sjúkraflutningum undanfarinn sólarhring og í morgun voru allir bílar úti. Samkvæmt upplýsingum frá lögreglu hafa 100 manns verið fluttir með sjúkrabifreið sem er yfir meðaltali. Um ýmis konar bráðatilfelli er að ræða.




Fleiri fréttir

Sjá meira


×