Heil kynslóð rúin inn að skinni

Kynslóðin sem keypti eignir í fasteignabólunni fyrir hrun hefur verið rúin inn að skinni og í flestum tilvikum tapað öllu eigin fé sem hún setti í fasteignakaupin. Þetta segir verkfræðingur á fertugsaldri sem setti rúmlega þriðjung af eigin fé í einbýlishús árið 2006 en á nú ekkert í húsinu vegna stökkbreyttra íbúðalána.

Karl Sigfússon 34 ára verkfræðingur í sjálfstæðum rekstri vakti mikla athygli á dögunum með grein sem hann ritaði í Fréttablaðið undir yfirskriftinni: Ég er kúgaður millistéttarauli.

Svo virðist sem Karl hafi talað fyrir hönd margra því greinin hefur farið eins og eldur í sinu á internetinu. Karl fékk um 65 % lán til kaupa á einbýlishúsi í miðbænum 2006 og restina fjármagnaði hann sjálfur með eigin fé.

Karl segist sjá eftir því að hafa stillt lántöku sinni í hóf við fasteignakaupin.

Fjallað verður ítarlega um mismunun hundrað og tíu prósent leiðarinnar í Íslandi í dag strax að loknum fréttum