ŢRIĐJUDAGUR 30. ÁGÚST NÝJAST 23:30

Um 6500 flóttamönnum bjargađ undan ströndum Líbíu

FRÉTTIR

Hefur ekki hugmynd um hvernig ţetta gerđist

 
Bíó og sjónvarp
09:00 23. JANÚAR 2016
Guđmundur segist vel tilbúinn til ađ bregđa sér af bć verđi honum bođiđ á verđlaunaafhendinguna.
Guđmundur segist vel tilbúinn til ađ bregđa sér af bć verđi honum bođiđ á verđlaunaafhendinguna. VÍSIR/STEFÁN

„Ef ég segi bara alveg eins og er, þá veit ég ekki alveg hvernig þetta fór svona,“ segir Guðmundur Ingi Þorvaldsson, leikari og framkvæmdastjóri Tjarnarbíós, sem á dögunum fékk ansi óvæntar fréttir þess efnis að hann væri tilnefndur til National Film verðlaunanna, í flokki bestu aðalleikara ársins.

Fer hann með aðalhlutverk í kvikmyndinni Chasing Robert Parker, eftir brasilíska leikstjórann Daniel Florêncio, sem er framleidd af hinu íslenska fyrirtæki Pegasus. Þess ber jafnframt að geta að myndin er sömuleiðis tilnefnd til verðlauna í flokki hasarmynda og keppir til dæmis við Star Wars: The force awakens.

Má með sanni segja að Guðmundur sé þar í ansi góðum félagsskap og keppir við ekki ómerkari leiklistarkanónur en til dæmis þá Daniel Craig, Colin Farrell, Colin Firth, Tom Hardy og Simon Pegg, sem eiga það sameiginlegt að vera meðal frægustu leikara heims.

„Ég veit ég stóð mig vel í myndinni, en við erum enn að reyna að ráða þessa stórbrotnu ráðgátu um hvernig myndin rataði í þessa keppni. Enginn okkar kannast við að hafa sent inn tilnefningu, en einhvers staðar komst einhver í myndina og hefur komið henni að í forvalinu,“ útskýrir Guðmundur og er bersýnilega furðu lostinn, enda ekki skrítið, myndin hefur hvergi verið sýnd annars staðar en á RFF kvikmyndahátíðinni á Íslandi nú í haust.

„Þetta er fyrsta mynd leikstjórans í fullri lengd, og það er eins og yfirleitt með frumraunir á borð við þessa, að hún hefur ekkert farið í kvikmyndahús, heldur aðeins verið reynt að koma henni að á hátíðum,“ bendir Guðmundur á, og segir leikstjórann ekki síður hissa.
„Nú erum við bara að reyna að finna út úr þessu, ég fékk þessar fréttir bara í fyrradag nánast í sömu andrá og ég steig á svið, svo það hefur tekið mig dálítinn tíma að átta mig á þessu raunverulega.“

Hann segist jafnframt hafa farið í það að finna út hverslags verðlaun þetta væru, enda hafði hann ekki heyrt af þeim áður, og kom upp úr kafinu að um væri að ræða stórmál. Hann segir ekkert komið á hreint varðandi neitt, en segist glaður vilja mæta á svæðið þegar hlutirnir komi betur í ljós, og að sjálfsögðu væri um heilmikinn heiður að ræða. „Ef okkur verður boðið, þá mætir maður auðvitað,“ segir hann glaður í bragði. 


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ

TAROT DAGSINS

Dragđu spil og sjáđu hvađa spádóm ţađ geymir.
Forsíđa / Lífiđ / Bíó og sjónvarp / Hefur ekki hugmynd um hvernig ţetta gerđist
Fara efst