Heather Marks á forsíðu Glamour

Maíblað Glamour kemur í allar helstu verslanir á morgun. Forsíðuna í þetta sinn prýðir fyrirsætan Heather Marks í glæsilegum tískuþætti eftir Silju Magg. 

Forsíða annars tölublað íslenska Glamour bætist í góða ferilskrá Marks sem er stórt nafn í tískueiminum. Hún hefur verið á forsíðum blaða á borð við Elle, Marie Claire og Harpers Bazaar ásamt því að hafa gengið pallana fyrir stærstu tískuhúsin Chanel, Proenza Schouler og Marc Jacobs svo fátt eitt sé nefnt. 

Marks er fædd í Kanada, 26 ára gömul og þykir skera sig úr hópi fyrirsætna fyrir svokallað "dúkkulegt" útlit. Hún var einungis 15 ára gömul þegar hún birtist fyrst á síðum blaðanna, þá í ekki verra blaði en ítalska Vogue. 

Marks hefur einnig verið í fjölmörgum auglýsingaherferðum fyrir risa í tískuheiminum á borð við Calvin Klein, Emporio Armani, Jimmy Choo, H&M, Kenzo og Levi´s. 

Glamour með Heather Marks kemur í verslanir á morgun, föstudaginn 8.maí. 

Fylgist með Glamour á Facebook hér. 

Fylgist með Glamour á Instagram hér.